အကြောင်းအရာများ

Tor ဘရောက်ဇာအကြောင်း

Tor ဘရောက်ဇာသည် သင့်ကိုယ်ရေးလုံခြုံမှုနှင့် အမည်မသိမှုကို ကာကွယ်ရန် Tor ကွန်ရက်ကို အသုံးပြုသည်။ Tor ကွန်ရက်ကို အသုံးပြုရာတွင် အဓိက ထူးခြား လက္ခဏာနှစ်ရပ် ရှိပါသည် -

ထို့ပြင် သင့်ဘရောက်ဇာ အစိတ်အပိုင်းများဖွဲ့စည်းပုံပေါ် အခြေခံပြီး ဝက်ဘ်ဆိုက်များက "ဇစ်မြစ်လိုက်ခြင်း" သို့မဟုတ် သင်မည်သူဖြစ်ကြောင်း ဖော်ထုတ်ခြင်း မပြုလုပ်နိုင်အောင် Tor ဘရောက်ဇာကို ဒီဇိုင်းရေးဆွဲ ဖန်တီးထားသည်။

By default, Tor Browser does not keep any browsing history. Cookies are only valid for a single session (until Tor Browser is exited or a New Identity is requested).

Tor အလုပ်လုပ်ပုံ

Tor သည် အင်တာနက်ပေါ်တွင် သင့်ကိုယ်ရေးလုံခြုံမှုနှင့် လုံခြုံရေး တိုးတက်စေသည့် အင်တာနက် လိုဏ်ခေါင်းများ ကွန်ရက် ဖြစ်သည်။ Tor သည် သင့်ဒေတာအသွားအလာကို Tor ကွန်ရက်ရှိ အလျင်းသင့်သည့် ဆာဗာသုံးခု (ကြားခံစက်များ) ကို ဖြတ်၍ ပို့သည်။ ထိုအခါ ပတ်လမ်းရှိ နောက်ဆုံး ကြားခံစက် ("အထွက် ကြားခံစက်") က ဒေတာအသွားအလာကို အများသုံး အင်တာနက်ပေါ်သို့ ပို့သည်။

Tor ၏ အလုပ်လုပ်ပုံ

အထက်ပါပုံတွင် အသုံးပြုသူက Tor သုံး၍ ကွဲပြားသော ဝက်ဘ်ဆိုက်များသို့ ဝင်ကြည့်ပုံကို သရုပ်ဖော်ထားသည်။ အလယ်ရှိ အစိမ်းရောင် ကွန်ပျူတာများသည် Tor ကွန်ရက်ရှိ ကြားခံစက်များကို ကိုယ်စားပြုသည်။ စကားဝှက်သော့သုံးခုသည် အသုံးပြုသူနှင့် ကြားခံစက်တစ်ခုစီအကြား ကုဒ်ဖြင့်ပြောင်းလဲပြီးသော အလွှာများကို ကိုယ်စားပြုသည်။

ဒေါင်းလုဒ် လုပ်နေသည်

Tor ဘရောက်ဇာကို Tor Project ၏ တရားဝင် ဝက်ဘ်ဆိုက် https://www.torproject.org/download မှ ဒေါင်းလုဒ်လုပ်ခြင်းသည် အလွယ်ကူဆုံးနှင့် ဘေးအကင်းဆုံး နည်းလမ်း ဖြစ်သည်။ Your connection to the site will be secured using HTTPS, which makes it much harder for somebody to tamper with.

သို့သော် Tor Project ဝက်ဘ်ဆိုက်ကို သင် ဝင်ရောက်မသုံးစွဲနိုင်သည့် အချိန်လည်း ရှိနိုင်ပါသည်။ ဥပမာ - ၎င်းကို သင့်ကွန်ရက်တွင် ပိတ်ဆို့ထားနိုင်ပါသည်။ သို့ဖြစ်ပါက သင်သည် အောက်တွင် ဖော်ပြထားသည့် ဒေါင်းလုဒ်လုပ်ရန် နည်းလမ်းများမှ ရွေးချယ်စရာတစ်ခုကို အသုံးပြုနိုင်ပါသည်။

အသွင်တူ ဝက်ဘ်ဆိုက်များ

သင်သည် Tor ဘရောက်ဇာကို တရားဝင် Tor project ဝက်ဘ်ဆိုက်မှ ဒေါင်းလုဒ်မလုပ်နိုင်ပါက ၎င်းအစား ကျွန်ုပ်တို့၏ အသွင်တူ တရားဝင် ဝက်ဘ်ဆိုက်များ ဖြစ်သည့် EFF or Calyx Institute မှတစ်ဆင့် ဒေါင်းလုဒ်လုပ်ကြည့်ပါ။

GetTor

GetTor ကို Dropbox၊ Google Drive နှင့် GitHub ကဲ့သို့ တည်နေရာအမျိုးမျိုးတွင် တည်ထားပြီး၊ Tor ဘရောက်ဇာ၏ နောက်ဆုံးဗားရှင်းပါသော လင့်များဖြင့် မက်ဆေ့ချ်များကို အလိုအလျောက်တုံ့ပြန်သည့် ဝန်ဆောင်မှုဖြစ်သည်။

TO USE GETTOR VIA EMAIL

gettor@torproject.org သို့ အီးမေးလ်ပို့ပါ။ မက်ဆေ့ချ် စာကိုယ်တွင် သင့်ကွန်ပျူတာလည်ပတ်မှုစနစ်ပေါ် မူတည်၍ (မျက်တောင်အဖွင့်အပိတ်များ မပါဘဲ) “windows”၊ “osx” သို့မဟုတ် “linux” ဟုသာရေးပါ။ Tor Browser ကို အင်္ဂလိပ်ဘာသာစကားအပြင် အခြားဘာသာစကားတစ်ခုဖြင့် ရယူရန် ဘာသာစကား ကုဒ်တစ်ခုကို ထည့်နိုင်သည်။ ဥပမာ၊ Windows အတွက် Chinese (တရုတ်) ဘာသာစကားဖြင့် Tor Browser ဒေါင်းလုပ်လင့်ခ်များကို ရယူရန် "windows windows zh_CN" ဟူသော စာလုံးပါသည့် အီးမေးလ်တစ်စောင်ကို gettor@torproject.orgသို့ ပို့ပါ။

GetTor က အီးမေးလ်တစ်စောင်ပို့ပြီး တုံ့ပြန်ပါမည်။ ထိုအီးမေးလ်တွင် Tor ဘရောက်ဇာ ပက်ကေ့ချ်၊ ကုဒ်ထည့်ထားသော လက်မှတ် (ဒေါင်းလုဒ် မှန်ကန်ကြောင်း စစ်ဆေးရန်အတွက် လိုအပ်)၊ လက်မှတ်ပြုလုပ်ရန် သုံးသော စကားဝှက်သော့၏ လက်ဗွေနှင့် ပက်ကေ့ချ်၏ ဟက်ရှ်တန်ဖိုးတို့ကို ဒေါင်းလုဒ်လုပ်ရန်လင့်များ ပါဝင်သည်။ သင်အသုံးပြုနေသော ကွန်ပျူတာမော်ဒယ်ပေါ် မူတည်၍ "“32-bit” သို့မဟုတ် “64-bit” ဆော့ဝဲကို ရွေးချယ်ရပါမည်။

TO USE GETTOR VIA TELEGRAM

Send a message to @GetTor_Bot on Telegram.

GetTor Bot

တပ်ဆင်ခြင်း

Windows အတွက်

၁။ Tor ဘရောက်ဇာ ဒေါင်းလုဒ် စာမျက်နှာ သို့ သွားပါ။

၂။ Windows .exe ဖိုင်ကို ဒေါင်းလုဒ်လုပ်ပါ။

၃။ (အကြံပြုချက်) ဖိုင်၏ လက်မှတ် ကို မှန်ကန်ကြောင်း စစ်ဆေးပါ။

၄။ ဒေါင်းလုဒ် လုပ်ပြီးချိန်တွင် .exe ဖိုင်ကို ကလစ်နှစ်ချက် နှိပ်ပါ။ တပ်ဆင်ခြင်း ဝိဇ္ဇာ လုပ်ငန်းစဉ်ကို ပြီးစီးအောင် လုပ်ပါ။

macOS အတွက်

၁။ Tor ဘရောက်ဇာ ဒေါင်းလုဒ် စာမျက်နှာ သို့ သွားပါ။

၂။ macOS .dmg ဖိုင်ကို ဒေါင်းလုဒ် လုပ်ပါ။

၃။ (အကြံပြုချက်) ဖိုင်၏ လက်မှတ် ကို မှန်ကန်ကြောင်း စစ်ဆေးပါ။

၄။ ဒေါင်းလုဒ် လုပ်ပြီးချိန်တွင် .dmg ဖိုင်ကို ကလစ်နှစ်ချက် နှိပ်ပါ။ တပ်ဆင်ခြင်း ဝိဇ္ဇာ လုပ်ငန်းစဉ်ကို ပြီးစီးအောင် လုပ်ပါ။

GNU/Linux အတွက်

၁။ Tor ဘရောက်ဇာ ဒေါင်းလုဒ် စာမျက်နှာ သို့ သွားပါ။

၂။ GNU/Linux .tar.xz ဖိုင်ကို ဒေါင်းလုဒ် လုပ်ပါ။

၃။ (အကြံပြုချက်) ဖိုင်၏ လက်မှတ် ကို မှန်ကန်ကြောင်း စစ်ဆေးပါ။

  1. ရုပ်ပြပုံ သို့မဟုတ် ညွှန်ကြားချက် နည်းလမ်း အတိုင်း ယခုလိုက်ပါဆောင်ရွက်ပါ။

ရုပ်ပြပုံ နည်းလမ်း

Linux မှာ desktop ဖိုင်ကိုလုပ်ဆောင်နိုင်အောင်ပြုလုပ်ပါ

သတိပြုရန်- Ubuntu နှင့် အခြား Linux ဖြန့်ချိမှုအချို့ (distros) တွင် start-tor-browser.desktop ကို စတင်ရန် ကြိုးစားပါက စာသားဖိုင်တစ်ခု ပွင့်လာနိုင်သည်။ လုပ်ဆောင်ချက်ကို ပြောင်းလဲရန်အတွက် Tor ဘရောက်ဇာ ကိုစတင်မယ့် အစား အောက်ပါအတိုင်း လိုက်နာဆောင်ရွက်ပါ:

Linux မှာ အမြဲတမ်း လည်ပတ်နိုင်ရန် ကွန်ပျူတာဖြင့် လည်ပတ်နိုင်သော စာသားဖိုင် ၏ အပြုအမှုများကို ပြောင်းလဲပါ

Command-line နည်းလမ်း

command-line ကနေတစ်ဆင့် start-tor-browser.desktop ဖြင့် အချို့သောထပ်ဆောင်း flag များကို အသုံးပြုနိုင်ပါတယ်:

အချက်ပြခြင်း ဖော်ပြချက်
--register-app Tor ဘရောက်ဇာ ကို desktop အပလီကေးရှင်း အဖြစ်စာရင်းသွင်းရန်အတွက် .
--verbose To display Tor and Firefox output in the terminal.
--log [file] To record Tor and Firefox output in file (default: tor-browser.log).
--detach To detach from terminal and run Tor Browser in the background.
--unregister-app To unregister Tor Browser as a desktop application.

Tor ဘရောက်ဇာ အပ်ဒိတ်လုပ်ရန် တွင် ကြည့်ပါ။

Tor ဘရောက်ဇာကို ပထမဆုံးအကြိမ် လည်ပတ်ခြင်း

Tor ဘရောင်ဇာကို စတင်ဝင်ရောက်ချိန်တွင် "Tor သို့ ချိတ်ဆက်ရန်" ဝင်းဒိုးကို မြင်ရမည်။ ဤတွင် Tor ကွန်ရက်သို့ တိုက်ရိုက်ချိတ်ဆက်ရန် သို့မဟုတ် သင့်ချိတ်ဆက်မှုအတွက် Tor ဘရောက်ဇာကို ချိန်ညှိရန် ရွေးချယ်နိုင်ပါသည်။ Tor ကွန်ရက်သို့ အမြဲတမ်း အလိုအလျောက် ချိတ်ဆက်လိုခြင်း ရှိ၊ မရှိ မေးသော အမှန်ခြစ်ရန်အကွက် ပေါ်လာပါမည်။ ချိတ်ဆက်လိုပါက ထိုအကွက်ကို အမှန်ခြစ်ပါ။

ချိတ်ဆက်ရန်

Tor နှင့်ချိတ်ဆက်ရန် 'ချိတ်ဆက်မည်' ကို နှိပ်ပါ

"ချိတ်ဆက်ရန်" ကို ရွေးချယ်လျှင် များသောအားဖြင့် နောက်ထပ် ချိန်ညှိရန် မလိုတော့ဘဲ Tor ကွန်ရက်သို့ ချိတ်ဆက်နိုင်ပါမည်။

ကလစ်နှိပ်ပြီးသည်နှင့် အခြေအနေပြဘား ပေါ်လာပြီး Tor နှင့် ချိတ်ဆက်ရာတွင် တိုးတက်မှုကို ပြသပါမည်။ သင့်ချိတ်ဆက်မှုသည် အတန်အသင့် မြန်သော်လည်း ဤဘားသည် တစ်နေရာမှာ ရပ်နေပါက ပြဿနာကို ဖြေရှင်းရာတွင် အထောက်အကူ ဖြစ်စေရန် ပြဿနာဖြေရှင်းခြင်း စာမျက်နှာကို ကြည့်ပါ။ ဒါမှမဟုတ် သင့်ချိတ်ဆက်မှုကို ဆင်ဆာဖြတ်ထားကြောင်း (သို့) ပရောက်စီကို အသုံးပြုထားကြောင်း သိပါက "Tor ကွန်ရက် ဆက်တင်များ" ကို နှိပ်ပါ။

ကွန်ရက်ပြင်ဆင်မှုများကို ချိန်ညှိရန် 'Tor ကွန်ယက်ပြင်ဆင်မှု' ကို နှိပ်ပါ

ချိတ်ဆက်မှုအကူအညီ

သင့်တည့်နေရာတွင် Tor ကိုပိတ်ဆို့ထားပါက၊ တံတားအသုံးပြုခြင်းကအကူအညီဖြစ်နိုင်သည်‌။ သင့်တည်နေရာတွင်အသုံးပြုရန် ကွန်ရက်အကူအညီမှ ရွေးချယ်ပေးနိုင်သည် 

အလိုအလျှောက် ချိတ်ဆက်မှုအကူအညီ

သင့်တည်နေရာကို ချိတ်ဆက်မှုအကူအညီမှ မဆုံးဖြတ်နိုင်ခြင်း သို့မဟုတ် သင့်တည်‌‌‌‌နေရာကိုကိုယ်တိုင်ချိန်ညှိထည့်သွင်းလိုပါက dropdown မီနူးတွင် မိမိ ဒေသကိုရွေးချယ်ပြီး ‘တံတားအသုံးပြုကြည့်မည်’ ကိုနှိပ်ပါ

ချိတ်ဆက်မှုအကူအညီချိန်ညှိခြင်း

ချိန်ညှိရန်

Tor ဘရောက်ဇာတွင် သင်သည် အစိတ်အပိုင်းများ ဖွဲ့စည်းပုံ ရွေးချယ်မှုများကို တစ်ခုပြီးတစ်ခု ပြုလုပ်ရပါမည်။

ချိတ်ဆက်မှုအကူအညီသည် သင်၏ အင်တာနက်ချိတ်ဆက်မှု နှင့် Tor ကွန်ရက်သို့ချိတ်ဆက်မှု အခြေအနေကို သင့်ထံသတင်းပို့မည်ဖြစ်သည်

Connection Test success

Connection Test unsuccessful

ပထမအမှန်ခြစ်ရန်အကွက်မှာ "အမြန်စတင်ခြင်း" ဖြစ်သည်။ ၎င်းကို ရွေးချယ်ပါက Tor ဘရောက်ဇာကိုဖွင့်တိုင်း သင်၏ ယခင်ကွန်ရက် ဆက်တင်များဖြင့် ချိတ်ဆက်ရန် ကြိုးပမ်းပါမည်။

အမြန်စတင်ခြင်း

သင့်ချိတ်ဆက်မှုကို ဆင်ဆာဖြတ်ထားကြောင်း သိပါက (သို့) Tor ကွန်ရက်နှင့် ချိတ်ဆက်ရန် ကြိုးစားရာတွင် မအောင်မြင်ပါဘဲ အခြားမည်သည့်ဖြေရှင်းနည်းကမျှ အလုပ်မလုပ်ပါက အသွားအလာအသွင်ပြောင်းကိရိယာ အနေဖြင့်သုံးရန် သင် Tor ဘရောင်ဇာကို ချိန်ညှိနိုင်သည်။ "တံတား"က အသွားအလာ အသွင်ပြောင်းကိရိယာကို ချိန်ညှိရန် ဆင်ဆာရှောင်ခြင်း အပိုင်း (သို့) ချိတ်ဆက်ရန် တံတားများ အပိုင်းကို ပြသပါမည်။

Tor တံတားကို ချိန်ညှိပါ

အခြားရွေးချယ်မှုများ

သင့်ချိတ်ဆက်မှုက ကြားခံအသုံးပြုထားပါက 'Torဘရောင်ဇာမှ အင်တာနက်ချိတ်ဆက်မှုကို ချိန်ညှိခြင်း'ကို ကာကွယ်ရန် ပြင်ဆင်မှုကို နှိပ်ခြင်းအားဖြင့် ချိန်ညှိနိုင်သည်။ ဖြစ်ရပ်အများစုတွင် ၎င်းကိုမလိုအပ်ပါ။ အဘယ်ကြောင့်ဆိုသော် သင့်၏စနစ်ပေါ်တွင် အခြားဘရောင်ဇာများအတွက်လည်း တူညီသောအပြင်အဆင်ကို အသုံးပြုနိုင်သောကြောင့် ထိုအမှန်ခြစ်ရန်အကွက်ကို သင်ရွေးချယ်ဖို့လိုအပ်ကြောင်း သင်သိရလိမ့်မည်။ ဖြစ်နိုင်ပါက သင့်ကွန်ရက် စီမံခန့်ခွဲသူထံမှ လမ်းညွှန်ချက် တောင်းပါ။ သင့်ချိတ်ဆက်မှုတွင် ပရောက်စီ အသုံးမပြုပါက "ချိန်ဆက်ရန်" ကို နှိပ်ပါ။

Torဘရောင်ဇာအတွက် ကြားခံပြင်ဆင်ခြင်း

ဆင်ဆာရှောင်ခြင်း

တစ်ခါတစ်ရံတွင် Tor ကွန်ရက်သို့ တိုက်ရိုက်ဝင်ရာက်အသုံးပြုမှုကို သင့်အင်တာနက် ဝန်ဆောင်မှု ပံ့ပိုးသူ (သို့) အစိုးရက ပိတ်ဆို့ထားနိုင်ပါသည်။ Tor ဘရောက်ဇာတွင် ဤပိတ်ဆို့မှုများကို ရှောင်ရှားရန် ဆင်ဆာရှောင်ကိရိယာများ ပါဝင်သည်။ ဤကိရိယာများကို "အသွားအလာ အသွင်ပြောင်းကိရိယာများ" ဟု ခေါ်သည်။

အသွားအလာ အသွင်ပြောင်းကိရိယာ အမျိုးအစားများ

လက်ရှိတွင် အသွားအလာ အသွင်ပြောင်းကိရိယာ သုံးမျိုးကို ရရှိနိုင်သော်လည်း နောက်ထပ် ရေးသားဖန်တီး နေပါသည်။

obfs4 obfs4 သည် Tor ၏ အသွားအလာကို ကြုံရာကျပန်းပုံ ပေါက်စေသည့်အပြင် စိစစ်ဖြတ်တောက်သူများက အင်တာနက် စကန်ဖတ်ရာတွင် တံတားများကို ရှာမတွေ့အောင်လည်း ကာကွယ်ပေးသည်။ obfs4 တံတားများသည် ယခင် အသုံးပြုခဲ့သော obfs3 ၄င်း၏ တံတားများထက် ပိတ်ဆို့ခံရနိုင်ခြေ နည်းသည်။
တုပကိရိယာ အသွားအလာ တုပကိရိယာများ (meek transports) သည် သင့်အား Tor သုံးနေသည့်အစား လူသုံးများသော ဝက်ဘ်ဆိုက်တစ်ခုတွင် ရှာဖွေနေသည့်ပုံပေါက်စေသည်။ meek-azure သည် သင့်အား Microsoft ဝက်ဘ်ဆိုက် အသုံးပြုနေသည့်ပုံပေါက်စေသည်။
Snowflake Snowflake မှာ Flashproxy ကို ပိုမိုကောင်းမွန်အောင် ဖန်တီးထားခြင်း ဖြစ်ပြီး သင့်အသွားအလာကို WebRTC မှတစ်ဆင့် ပို့ပေးသည်။ WebRTC ဆိုသည်မှာ NAT ကွန်ရက်ဆက်သွယ်နည်း အသင့်ပါသော၊ ကိရိယာအချင်းချင်း ဆက်သွယ်သည့် နည်းလမ်း ဖြစ်သည်။

အသွားအလာ အသွင်ပြောင်းကိရိယာများ အသုံးပြုခြင်း

အသွားအလာအသွင်ပြောင်းကိရိယာကို အသုံးပြုရန် Torဘရောင်ဇာကို ပထမဆုံးအကြိမ်စဖွင့်ချိန်တွင် "ချိတ်ဆက်မှု ချိန်ညှိခြင်း"ကို နှိပ်ပါ။ "တံတားများ"အပိုင်းအောက်တွင် "Torဘရောင်ဇာ၏ အသင့်ပါဝင်သောတံတားများထဲမှ တစ်ခုကို ရွေးပါ''ဆိုသော ရွေးချယ်မှုကို သွား၍ "အသင့်ပါဝင်သောတံတားတစ်ခုကို ရွေးပါ"ဆိုသော ရွေးချယ်မှုကို နှိပ်ပါ။ မီနူးကနေတဆင့် သင်အသုံးပြုလိုသော အသွင်ပြောင်းကိရိယာ ကိုရွေးချယ်ပါ

အသွားအလာ အသွင်ပြောင်းကိရိယာကို ရွေးချယ်ပြီးသည်နှင့် အထက်သို့ သွားကာ သင့်ဆက်တင်များကို သိမ်းဆည်းရန် "ချိတ်ဆက်ရန်" ကို နှိပ်ပါ။

သို့မဟုတ်, သင့်မှာ အသုံးပြုနေသောTor ဘရောင်ဇာရှိပါက, ဟမ်ဘာဂါမီနူးမှာရှိတဲ့ "Settings" ကိုနှိပ်ပါ, ပြီးလျှင် ဘေးတွင်ရှိသောအတန်းမှ"Connection" ကိုနှိပ်ပါ "Bridge" အပိုင်းတွင် "Choose from Tor Browser's one of built-in bridges" ဆိုသည့် ရွေးချယ်မှု ရှိပြီး "Select a Built-In Bridge" ကို နှိပ်ပါ မီနူးကနေတဆင့် သင်အသုံးပြုလိုသော အသွင်ပြောင်းကိရိယာ ကိုရွေးချယ်ပါ တက်ဘ်ကို ပိတ်လိုက်သည်နှင့် သင့်ဆက်တင်များကို အလိုအလျောက် သိမ်းဆည်းပါမည်။

Configure built-in bridges

မည်သည့် အသွင်ပြောင်းကိရိယာကို အသုံးပြုသင့်သလဲ။

Tor ဘရောက်ဇာ၏ မီနူးတွင် ဖော်ပြထားသော အသွင်ပြောင်းကိရိယာတစ်ခုစီသည် အလုပ်လုပ်ပုံချင်း မတူညီကြပါ။ ၎င်းတို့၏ ထိရောက်မှုသည် သင်၏ အခြေအနေတစ်ခုစီပေါ်တွင် မူတည်သည်။

သင်သည် ပိတ်ဆို့ထားသော ချိတ်ဆက်မှုတစ်ခုကို ပထမဆုံးအကြိမ် ရှောင်ဖို့ ကြိုးစားနေပါက အသွားအလာ အသွင်ပြောင်းကိရိယာအမျိုးမျိုးဖြင့် စမ်းကြည့်သင့်သည် - obfs4၊ snowflake သို့မဟုတ် meek-azure။

ဤရွေးချယ်မှုအားလုံးကို စမ်းသပ်ပြီးနောက် အွန်လိုင်း မဖြစ်သေးပါက တံတားတစ်ခုကို တောင်းဆိုရန် သို့မဟုတ် တံတား လိပ်စာများကို ကိုယ်တိုင် ရိုက်ထည့်ရန် လိုအပ်ပါမည်။

တရုတ်နိုင်ငံတွင်ရှိသော အသုံးပြုသူများသည် သီးသန့် စာရင်းမပြုလုပ်ထားသော obfs4 bridge နှင့် ချိတ်ဆက်လိုကြသည် ကျွန်ုပ်တို့၏ Telegram Bot ကို ဆက်သွယ်ပါ ပြီးလျှင် '/bridges' ကိုရိုက်နှိပ်ပါ သို့မဟုတ် အီးမေးလ်အကြောင်းအရာတွင် "private bridge" ဆိုသည့် စာသားဖြင့် frontdesk@torproject.org သို့ အီးမေးလ်တစ်စောင်ပို့ပါ

တံတားဆိုတာ ဘာလဲ နှင့် တံတား ရယူနည်းကို လေ့လာရန် တံတားများ အပိုင်းကို ဖတ်ပါ။

တံတားများ

obfs4 ကဲ့သို့ အများစုသော အသွားအလာ အသွင်ပြောင်းကိရိယာများ သည် "တံတား" ကြားခံစက်များကို အသုံးပြုမှုအပေါ် မှီခိုသည်။ သာမန် Tor ကြားခံစက်များကဲ့သို့ပင် တံတားများကို လုပ်အားပေးသူများက ကိုင်တွယ်လည်ပတ်သည်။ သာမန် ကြားခံစက်များနှင့် မတူသည့်အချက်မှာ ၎င်းတို့ကို လူအများ သိစေရန် ဖော်ပြမထားပါ။ ထို့ကြောင့် အနှောင့်အယှက်သည် တံတားများကို အလွယ်တကူ ခွဲခြားမသိရှိနိုင်ပါ။

တံတားများကို အသွားအလာ အသွင်ပြောင်းကိရိယာများနှင့် တွဲသုံးခြင်းဖြင့် သင် Tor အသုံးပြုနေသည်ကို ဖုံးကွယ်နိုင်သည်။ သို့သော် သာမန် Tor ကြားခံစက်များကို အသုံးပြုခြင်းနှင့် နှိုင်းယှဉ်ပါက ချိတ်ဆက်မှု မြန်နှုန်းကျနိုင်ပါသည်။

တုပကိရိယာ (meek) ကဲ့သို့ အခြား အသွားအလာ အသွင်ပြောင်းကိရိယာများသည် တံတားများပေါ် မမှီခိုသည့် ကွဲပြားသော ဆင်ဆာဖြတ်ကျော်သည့် နည်းလမ်းများကို အသုံးပြုသည်။ ဤအသွင်ပြောင်းကိရိယာများကို အသုံးပြုရန်အတွက် တံတား လိပ်စာများကို ရယူရန် မလိုအပ်ပါ။

တံတား လိပ်စာများ ရယူခြင်း

တံတား လိပ်စာများသည် အများသုံး မဟုတ်သောကြောင့် ၎င်းတို့ကို သင်ကိုယ်တိုင် တောင်းရပါမည်။ သင့်တွင် ရွေးချယ်စရာ အနည်းငယ် ရှိပါသည် -

Moat အသုံးပြုခြင်း

သင်သည်Tor ဘရောင်ဇာ ကိုပထမဆုံးအကြိမ်အသုံးပြုခြင်းဖြစ်ပါက Tor settings window ကိုဖွင့်ရန် "Configure Connection" ကိုနှိပ်ပါ "Bridge" အပိုင်းအောက်တွင်, "Request a bridge from torproject.org" တည်ရှိပြီး bridge ကိုထောက်ပံ့မည့် BridgeDB အတွက် "Request a Bridge..." ကိုနှိပ်ပါ CAPTCHA ကို ဖြေပြီးနောက် "တင်သွင်းရန်" ကို နှိပ်ပါ။ သင့်ဆက်တင်များကို သိမ်းဆည်းရန် "ချိတ်ဆက်ရန်" ကို နှိပ်ပါ။

သို့မဟုတ်, သင့်မှာ အသုံးပြုနေသောTor ဘရောင်ဇာရှိပါက, ဟမ်ဘာဂါမီနူးမှာရှိတဲ့ "Settings" ကိုနှိပ်ပါ, ပြီးလျှင် ဘေးတွင်ရှိသောအတန်းမှ"Connection" ကိုနှိပ်ပါ "Bridge" အပိုင်းတွင်, "Request a bridge from torproject.org" တည်ရှိပြီး bridge ကိုထောက်ပံ့မည့် BridgeDB အတွက် "Request a Bridge..." ကိုနှိပ်ပါ။ Captcha ကိုဖြည့်ပါ ထို့နောက် "Submit" ကိုနှိပ်ပါ။ သင်သည် tab ကိုနှိပ်လိုက်သည်နှင့်တစ်ပြိုင်နက် သင့်ရဲ့ ပြင်ဆင်ခြင်းကို အလိုအလျောက်သိမ်းဆည်းပါလိမ့်မည်။

Request a bridge from torproject.org

တံတား လိပ်စာများကို ရိုက်ထည့်ခြင်း

သင့်အနေနဲ့Tor ဘရောင်ဇာကို ပထမဆုံးအနေနဲ့အသုံးပြုခြင်းဖြစ်ပါက, Tor ရဲ့ settings window ကိုဖွင့်ရန် "Configure Connection" ကိုနှိပ်ပါ Under the "Bridges" section, from the option "Enter a bridge address you already know" click on "Add a Bridge Manually" and enter each bridge address on a separate line. သင့်ဆက်တင်များကို သိမ်းဆည်းရန် 'ချိတ်ဆက်ရန်' ကို နှိပ်ပါ။

သို့မဟုတ်, သင့်မှာ အသုံးပြုနေသောTor ဘရောင်ဇာရှိပါက, ဟမ်ဘာဂါမီနူးမှာရှိတဲ့ "Settings" ကိုနှိပ်ပါ, ပြီးလျှင် ဘေးတွင်ရှိသောအတန်းမှ"Connection" ကိုနှိပ်ပါ In the "Bridges" section, from the option "Enter a bridge address you already know" click on "Add a Bridge Manually" and enter each bridge address on a separate line. တက်ဘ်ကို ပိတ်လိုက်သည်နှင့် သင့်ဆက်တင်များကို အလိုအလျောက် သိမ်းဆည်းပါမည်။

Enter bridge addresses manually

ချိတ်ဆက်မှု မအောင်မြင်ပါက သင်လက်ခံရရှိသော တံတားများ ဒေါင်းနေခြင်း (down) ဖြစ်နိုင်သည်။ နောက်ထပ် တံတား လိပ်စာများ ရယူရန် အထက်ပါနည်းလမ်းများမှ တစ်ခုကို အသုံးပြုပြီးနောက် ထပ်မံကြိုးစားပါ။

BRIDGE-MOJI

Each bridge address is represented by a string of emoji characters called Bridge-mojis. The Bridge-mojis can be used to validate that the intended bridge has been added successfully.

Bridge-mojis are human-readable bridge identifiers and do not represent the quality of connection to the Tor network or the state of the bridge. The string of emoji characters cannot be used as input. Users are required to provide the complete bridge address to be able to connect with a bridge.

Bridge-moji

The bridge addresses can be shared using the QR code or by copying the entire address.

Bridge QR code

ကိုယ်ပိုင် အမှတ်သင်္ကေတများကို စီမံခန့်ခွဲခြင်း

ဝက်ဘ်ဆိုက်တစ်ခုနှင့် သင် ချိတ်ဆက်သောအခါ ထိုဝက်ဘ်ဆိုက်ကို ကိုင်တွယ်သူများကသာ သင့်ဝင်ကြည့်မှုအကြောင်း အချက်အလက်ကို မှတ်တမ်းယူနိုင်သည်မဟုတ်ပါ။ ယခုအခါ ဝက်ဘ်ဆိုက်အများစုသည် လူမှုကွန်ရက်သုံး "နှစ်သက်ရန်" ခလုတ်များ၊ ခွဲခြမ်းစိတ်ဖြာရန် ခြေရာခံမှုများနှင့် ကြော်ငြာသုံး ခြေရာခံမှုများ အပါအဝင် ပြင်ပ ဝန်ဆောင်မှုများစွာကို အသုံးပြုသည်။ ၎င်းတို့အားလုံးသည် ဝက်ဘ်ဆိုက်အမျိုးမျိုးရှိ သင့်အသုံးပြုမှုများကို ချိတ်နိုင်သည်။

Tor ကွန်ရက်ကို အသုံးပြုခြင်းက စောင့်ကြည့်သူများအား သင့်တည်နေရာ အတိအကျနှင့် IP လိပ်စာကို မသိနိုင်အောင် တားဆီးပေးသည်။ သို့သော် ဤအချက်အလက် မပါသည့်တိုင်အောင် စောင့်ကြည့်သူများသည် သင့်အသုံးပြုမှု၏ နယ်ပယ်အမျိုးမျိုးကို အတူချိတ်နိုင်ခြေ ရှိသည်။ ထို့ကြောင့် Tor ဘရောက်ဇာတွင် သင်မည်သူဖြစ်ကြောင်း ဆက်စပ်နိုင်သည့် အချက်အလက်ကို သင်ထိန်းချုပ်နိုင်အောင် ကူညီမည့် ထပ်ဆောင်း အပြင်အဆင် ပါဝင်သည်။

URL ဘား

Tor ဘရောက်ဇာသည် URL ဘားရှိ ဝက်ဘ်ဆိုက်ကို သင်အသုံးပြုမှုအပေါ် အခြေခံ၍ ဆက်စပ်လုပ်ဆောင်သည်။ ပြင်ပ ခြေရာခံဝန်ဆောင်မှု တစ်ခုတည်းကို အသုံးပြုသော ကွဲပြားသည့် ဝက်ဘ်ဆိုက်နှစ်ခုနှင့် သင်ချိတ်ဆက်ထားသည့်တိုင်အောင် Tor ဘရောက်ဇာသည် ကွဲပြားသော Tor ပတ်လမ်းနှစ်ခုကိုသုံး၍ သင်လိုအပ်သော အကြောင်းအရာကို ရှာဖွေပေးပါမည်။ ထိုအခါ ခြေရာခံကိရိယာသည် ချိတ်ဆက်မှုနှစ်ခုလုံးမှာ သင့်ဘရောက်ဇာမှ စတင်ကြောင်း သိမည်မဟုတ်ပါ။

အခြားတစ်ဘက်တွင် ဝက်ဘ်ဆိုက်လိပ်စာတစ်ခုတည်းသို့ ချိတ်ဆက်မှုအားလုံးအတွက် တူညီသော Tor ပတ်လမ်းကို သုံးပါမည်။ ထို့ကြောင့် သင်သည် လုပ်ဆောင်နိုင်စွမ်းကို မထိခိုက်ဘဲ ဝက်ဘ်ဆိုက်တစ်ခုတည်း၏ ကွဲပြားသော စာမျက်နှာများကို သီးခြား တက်ဘ်များ သို့မဟုတ် ဝင်းဒိုးများဖြင့် ရှာဖွေအသုံးပြုနိုင်ပါသည်။

Display circuit diagram under the site information menu

သင်သည် လက်ရှိတက်ဘ်အတွက် Tor ဘရောက်ဇာက အသုံးပြုနေသော ပတ်လမ်းပုံကို URL ဘားရှိ ဝက်ဘ်ဆိုက် အချက်အလက် မီနူးတွင် ကြည့်နိုင်ပါသည်။

In the circuit, the Guard or entry node is the first node and it's automatically and randomly selected by Tor. But it is different from the other nodes in the circuit. In order to avoid profiling attacks, the Guard node changes only after 2-3 months, unlike the other nodes, which change with every new domain. For more information about Guards, consult the FAQ and Support Portal.

Tor အသုံးပြု၍ လော့ဂ်အင်ဝင်ခြင်း

အင်တာနက်သုံးရာတွင် အသုံးပြုသူ၏ အမည်ကို လုံးဝမသိစေရန် Tor ဘရောက်ဇာကို ရည်ရွယ်ရေးသားထားသော်လည်း အသုံးပြုသူအမည်များ၊ စကားဝှက်များ သို့မဟုတ် မည်သူမှန်းခွဲခြားသိရှိနိုင်သော အချက်အလက်များ ပေးရန် လိုအပ်သည့် ဝက်ဘ်ဆိုက်များတွင်လည်း Tor ကို အသုံးပြုဖို့ ဆီလျော်သော အခြေအနေများ ရှိနိုင်ပါသည်။

သင်သည် ပုံမှန်ဘရောက်ဇာ အသုံးပြု၍ ဝက်ဘ်ဆိုက်တစ်ခုသို့ လော့ဂ်အင်ပါက သင့် IP လိပ်စာနှင့် ပထဝီဝင်ဆိုင်ရာ တည်နေရာကို ဖော်ထုတ်ရာရောက်ပါသည်။ သင်အီးမေးလ် ပို့ချိန်တွင်လည်း မကြာခဏ ထိုသို့ဖြစ်တတ်သည်။ သင်၏ လူမှုကွန်ရက်ဝက်ဘ်ဆိုက်များ သို့မဟုတ် အီးမေးလ်အကောင့်များသို့ Tor ဘရောက်ဇာ အသုံးပြု၍ လော့ဂ်အင်ဝင်ခြင်းဖြင့် သင်ရှာဖွေအသုံးပြုနေသော ဝက်ဘ်ဆိုက်အား ပေးသိလိုသည့် အချက်အလက်အတိအကျကို ရွေးချယ်နိုင်သည်။ သင်ရောက်ရှိရန် ကြိုးစားနေသော ဝက်ဘ်ဆိုက်ကို သင့်ကွန်ရက်တွင် ဆင်ဆာလုပ်ထားလျှင်လည်း Tor ဘရောက်ဇာကို အသုံးပြု၍ လော့ဂ်အင်ဝင်နိုင်ပါသည်။

သင်သည် Tor အသုံးပြု၍ ဝက်ဘ်ဆိုက်တစ်ခုသို့ လော့ဂ်အင်ဝင်သောအခါ သတိပြုရန် အချက်အနည်းငယ် ရှိပါသည် -

ကိုယ်ပိုင် အမှတ်သင်္ကေတများနှင့် ပတ်လမ်းများ ပြောင်းလဲခြင်း

New Identity and New Tor Circuit options under main menu

Tor ဘရောက်ဇာတွင် "ကိုယ်ပိုင်အမှတ်သ‌င်္ကေတအသစ်" နှင့် "ဤဝက်ဘ်ဆိုက်အတွက် Tor ပတ်လမ်းအသစ်" ဟူသော ရွေးချယ်မှုတို့ ပါဝင်သည်။ ၎င်းတို့သည် ဟမ်ဘာဂါ သို့မဟုတ် အဓိက မီနူး (≡) တွင်လည်း ရှိသည်။

ကိုယ်ပိုင်အမှတ် သင်္ကေတအသစ်

နောက်လာမည့် ဘရောက်ဇာအသုံးပြုမှုကို သင့်ယခင်အသုံးပြုမှုနှင့် မဆက်စပ်စေချင်ပါက ဤရွေးချယ်မှုကို အသုံးပြုနိုင်သည်။ ၎င်းကို ရွေးချယ်ပါက ပွင့်နေသော တက်ဘ်နှင့် ဝင်းဒိုးအားလုံး ပိတ်ပါမည်၊ ကွတ်ကီးများနှင့် ရှာဖွေမှုမှတ်တမ်းကဲ့သို့ သီးသန့် အချက်အလက်အားလုံးကို ရှင်းပစ်ပြီး ချိတ်ဆက်မှုအားလုံးအတွက် Tor ပတ်လမ်းအသစ်များကို အသုံးပြုပါမည်။ Tor ဘရောက်ဇာက အသုံးပြုမှုနှင့် ဒေါင်းလုဒ်အားလုံးကို ရပ်ပစ်မည်ဖြစ်ကြောင်း သင့်အား သတိပေးပါမည်။ ထို့ကြောင့် "ကိုယ်ပိုင်အမှတ်သင်္ကေတအသစ်" ကို ကလစ်မနှိပ်မီ ထိုအကြောင်းကို ထည့်သွင်းစဉ်းစားပါ။

ဤရွေးချယ်မှုကို အသုံးပြုရန် Tor ဘရောက်ဇာ၏ တူးလ်ဘားရှိ "ကိုယ်ပိုင်အမှတ်သင်္ကေတအသစ်" ကို ကလစ်နှိပ်ပါ။

ဤ ဝက်ဘ်ဆိုက်အတွက် Tor ပတ်လမ်းအသစ်

သင်အသုံးပြုနေသော အထွက် ကြားခံစက် က သင်တောင်းဆိုသော ဝက်ဘ်ဆိုက်သို့ မချိတ်ဆက်နိုင်လျှင် သို့မဟုတ် ထိုဝက်ဘ်ဆိုက် စနစ်တကျ တက်မလာလျှင် ဤရွေးချယ်မှုကို အသုံးပြုနိုင်သည်။ ၎င်းကို ရွေးချယ်ပါက လက်ရှိသုံးနေသော တက်ဘ် သို့မဟုတ် ဝင်းဒိုးကို Tor ပတ်လမ်းအသစ်ဖြင့် ပြန်တင်ပါမည်။ ထိုဝက်ဘ်ဆိုက်မှ ပွင့်နေသော အခြားတက်ဘ်နှင့်ဝင်းဒိုးများကို ပြန်တင်ပြီးသည်နှင့် ၎င်းတို့အတွက် ပတ်လမ်းအသစ်ကို အသုံးပြုပါမည်။ ဤရွေးချယ်မှုသည် သီးသန့် အချက်အလက်များကို မရှင်းပစ်သကဲ့သို့ သင့်အသုံးပြုမှုကိုလည်း လင့်မဖြုတ်ပါ။ ထို့ပြင် အခြားဝက်ဘ်ဆိုက်များသို့ လတ်တလော ချိတ်ဆက်မှုများကိုလည်း မထိခိုက်ပါ။

သင်သည် ဤရွေးချယ်မှုကို URL ဘား၏ ဝက်ဘ်ဆိုက် အချက်အလက် မီနူးရှိ ပတ်လမ်းအသစ် ပြသမှု၌လည်း ဝင်ရောက်ကြည့်ရှုနိုင်သည်။

Onion ဝန်ဆောင်မှုများ

Onion ဝန်ဆောင်မှုများ (ယခင် "ဝှက်ထားသော ဝန်ဆောင်မှုများ") သည် Tor ကွန်ရက်မှတစ်ဆင့်သာ အသုံးပြုနိုင်သည့် (ဝက်ဘ်ဆိုက်များကဲ့သို့) ဝန်ဆောင်မှုများ ဖြစ်သည်။

Onion ဝန်ဆောင်မှုများတွင် သီးသန့်မဟုတ်သော ဝက်ဘ်ရှိ သာမန်ဝန်ဆောင်မှုများထက် အားသာချက် အနည်းငယ် ရှိသည် -

Onion ဝန်ဆောင်မှုကို အသုံးပြုနည်း

Just like any other website, you will need to know the address of an onion service in order to connect to it. An onion address is a string of 56 letters and numbers, followed by ".onion".

onion ဝန်ဆောင်မှုသုံး ဝက်ဘ်ဆိုက်တစ်ခုကို အသုံးပြုစဉ် Tor ဘရောက်ဇာက သင့်ချိတ်ဆက်မှု အခြေအနေမှာ လုံခြုံစိတ်ချရပြီး onion ဝန်ဆောင်မှုကို အသုံးပြုနေကြောင်း ပြသသည့် ကြက်သွန်နီပုံ အိုင်ကွန်ကို URL ဘားတွင် ပြထားပါမည်။ ပတ်လမ်း ပြသမှုကို ကြည့်ခြင်းဖြင့် သင်ဝင်ကြည့်နေသာ onion ဝက်ဘ်ဆိုက်အကြောင်း ပိုမိုလေ့လာနိုင်ပါသည်။

onion ဝက်ဘ်ဆိုက်အကြောင်း လေ့လာရန် နောက်တစ်နည်းမှာ ဝက်ဘ်ဆိုက် စီမံခန့်ခွဲသူက Onion တည်နေရာဟု ခေါ်သော အပြင်အဆင်ကို သုံးထားခြင်း ရှိ၊ မရှိ ကြည့်ရန် ဖြစ်သည်။ Onion တည်နေရာဆိုသည်မှာ စံမဟုတ်သော HTTP နဖူးစည်းစာတန်း ဖြစ်ပြီး ဝက်ဘ်ဆိုက်များက ၎င်းတို့၏ onion ဝက်ဘ်ဆိုက်ကို ကြော်ငြာရန် အသုံးပြုနိုင်သည်။ သင်ဝင်ကြည့်နေသော ဝက်ဘ်ဆိုက်အတွက် onion ဝက်ဘ်ဆိုက် ရရှိနိုင်ပါက Tor ဘရောက်ဇာ၏ URL ဘားတွင် ".onion ရရှိနိုင်သည်" ဟု ပြသသည့် ခရမ်းရောင် အကြံပြုချက်တစ်ခု ပေါ်လာပါမည်။ ".onion ရရှိနိုင်သည်" ကို ကလစ်နှိပ်သောအခါ ဝက်ဘ်ဆိုက်ကို ပြန်တင်ပြီး သက်ဆိုင်ရာ onion ဝက်ဘ်ဆိုက်သို့ ပြန်လည်လမ်းညွှန်ပါမည်။

Onion-Location

ဝက်ဘ်ဆိုက်တစ်ခု၏ onion ဝဘ်ဆိုက်ဗားရှင်းကို ဦးစားပေးလိုပါက Onion တည်နေရာသို့ အလိုအလျောက် ပြန်လည်လမ်းညွှန်မှုများကို ဖွင့်နိုင်ပါသည်။ ဟမ်ဘာဂါမီနူး (≡) ကို နှိပ်ပါ၊ 'အလေးပေး ရွေးချယ်မှု' (သို့မဟုတ် Windows တွင် 'ရွေးချယ်မှုများ') သို့ သွားပါ၊ 'ကိုယ်ရေးလုံခြုံမှုနှင့် လုံခြုံရေး' ကို နှိပ်ပါ၊ 'Onion ဝန်ဆောင်မှုများ' အပိုင်းတွင် ".onion ဝက်ဘ်ဆိုက်များကို သိပါက ဦးစားပေးပါ" ကို ရှာပြီး "အမြဲတမ်း" ရွေးချယ်မှုကို အမှန်ခြစ်ပါ။ ဒါမှမဟုတ် Tor ဘရောက်ဇာကို လည်ပတ်နေပါက တက်ဘ်အသစ်တွင် about:preferences#privacy ကို ကူးထည့်ပြီး ဤဆက်တင်ကို ပြောင်းလဲနိုင်သည်။

Onion ဝန်ဆောင်မှု စစ်မှန်ကြောင်းသက်သေပြခြင်း

စစ်မှန်ကြောင်းသက်သေပြပြီးသော onion ဝန်ဆောင်မှုဆိုသည်မှာ ဝန်ဆောင်မှုကို အသုံးမပြုမီ လက်ခံစက်က လုံခြုံရေးတိုကင်ပေးရန် လိုအပ်သည့် onion ဝက်ဘ်ဆိုက်ကဲ့သို့ ဝန်ဆောင်မှုတစ်ခု ဖြစ်သည်။ Tor အသုံးပြုသူအနေနှင့် သင်သည် Tor ဘရောက်ဇာတွင် တိုက်ရိုက် စစ်မှန်ကြောင်းသက်သေပြနိုင်ပါသည်။ ဤဝန်ဆောင်မှုကို အသုံးပြုရန် သင်သည် onion ဝန်ဆောင်မှု ကိုင်တွယ်သူထံမှ အသုံးပြုခွင့် အထောက်အထား လိုအပ်ပါသည်။ စစ်မှန်ကြောင်းသက်သေပြပြီးသော onion ဝန်ဆောင်မှုကို ဝင်ရောက်သုံးစွဲချိန်တွင် Tor ဘရောက်ဇာသည် မီးခိုးရောင် သော့အသေးပုံကို URL ဘားတွင် ပြသပါမည်။ ထိုသော့ပုံကို ထောက်ကြည့်လျှင် မက်ဆေ့ချ် တွေ့ရပါမည်။ ဖြည့်သွင်းရန်အကွက်တွင် သင်၏ သီးသန့်စကားဝှက်သော့ကို မှန်ကန်စွာ ရိုက်ထည့်ပါ။

Client Authorization

Onion ဝန်ဆောင်မှုများနှင့် ဆိုင်သော ပြဿနာများ

သင်သည် onion ဝက်ဘ်ဆိုက်နှင့် ချိတ်ဆက်မရပါက ထိုဝက်ဘ်ဆိုက်ကို ဘာကြောင့် မရရှိနိုင်ကြောင်း ပါဝင်သည့် တိကျသော ချွတ်ယွင်းချက် မက်ဆေ့ချ်ကို Tor ဘရောက်ဇာက ပေးပါမည်။ ချွတ်ယွင်းချက်များတွင် လက်ခံစက် ချွတ်ယွင်းမှုများ၊ ကွန်ရက် ချွတ်ယွင်းမှုများ သို့မဟုတ် ဝန်ဆောင်မှု ချွတ်ယွင်းမှုများဟူ၍ အဆင့်အမျိုးမျိုး ရှိနိုင်သည်။ ပြဿနာဖြေရှင်းနည်း အပိုင်းကို လိုက်နာခြင်းဖြင့် ချွတ်ယွင်းချက်အချို့ကို ပြင်ဆင်နိုင်သည်။ အောက်ပါဇယားတွင် ဖြစ်နိုင်ခြေရှိသော ချွတ်ယွင်းမှုအားလုံးနှင့် ပြဿနာဖြေရှင်းရန် သင်လုပ်ဆောင်သင့်သည့်အရာတို့ကို ပြသထားသည်။

ကုဒ် ပြဿနာခေါင်းစဉ် အကျဉ်းဖော်ပြချက်
0xF0 Onionsite Not Found The most likely cause is that the onionsite is offline. Contact the onionsite administrator.
0xF1 Onionsite Cannot Be Reached The onionsite is unreachable due an internal error.
0xF2 Onionsite Has Disconnected The most likely cause is that the onionsite is offline. Contact the onionsite administrator.
0xF3 Unable to Connect to Onionsite The onionsite is busy or the Tor network is overloaded. Try again later.
0xF4 Onionsite Requires Authentication Access to the onionsite requires a key but none was provided.
0xF5 Onionsite Authentication Failed The provided key is incorrect or has been revoked. Contact the onionsite administrator.
0xF6 Invalid Onionsite Address The provided onionsite address is invalid. Please check that you entered it correctly.
0xF7 Onionsite Circuit Creation Timed Out Failed to connect to the onionsite, possibly due to a poor network connection.

ပြဿနာ ဖြေရှင်းခြင်း

သင်တောင်းဆိုသော onion ဝန်ဆောင်မှုနှင့် မချိတ်နိုင်ပါက onion လိပ်စာကို ရိုက်ထည့်ရာတွင် မှန်၊ မမှန် သေချာအောင်စစ်ပါ။ အမှားပါခဲ့လျှင် Tor ဘရောက်ဇာသည် ထိုဝက်ဘ်ဆိုက်နှင့် ချိတ်နိုင်မည်မဟုတ်ပါ။

သင်သည် လိပ်စာကို မှန်ကန်ကြောင်းစစ်ဆေးပြီးနောက် onion ဝန်ဆောင်မှုနှင့် မချိတ်ဆက်နိုင်သေးပါက ကျေးဇူးပြု၍ နောက်မှ ထပ်မံကြိုးစားပါ။ ယာယီ ချိတ်ဆက်မှု ပြဿနာ ရှိနေနိုင်သည် သို့မဟုတ် ဝက်ဘ်ဆိုက် ကိုင်တွယ်သူများက သတိပေးခြင်းမရှိဘဲ ‌အော့ဖ်လိုင်း လုပ်ခွင့်ပြုလိုက်ခြင်း ဖြစ်နိုင်သည်။

သင်အသုံးပြုဖို့ ကြိုးစားသော onion ဝန်ဆောင်မှုသည် စာလုံး ၁၆ လုံးပါသည့် စာတန်း (V2 ဖောမက်) ဖြစ်ပါက ဤလိပ်စာ အမျိုးအစားသည် ခေတ်မမီတော့ပါ

အခြား onion ဝန်ဆောင်မှုများကို အသုံးပြုနိုင်ခြင်း ရှိ၊ မရှိ စမ်းသပ်ရန် DuckDuckGo ၏ Onion ဝန်ဆောင်မှု သို့ ချိတ်ဆက်နိုင်သည်။

လုံခြုံစိတ်ချရသော ချိတ်ဆက်မှုများ

အကောင့်ဝင်ရန် စကားဝှက်ကဲ့သို့ ကိုယ်ရေးအချက်အလက်ကို ကုဒ်ဖြင့်မပြောင်းဘဲ အင်တာနက်မှ ပို့ပါက ခိုးကြည့်သူက အလွယ်တကူ ကြားဖြတ်ရယူနိုင်သည်။ မည်သည့်ဝက်ဘ်ဆိုက်သို့ လော့ဂ်အင်ဝင်သည်ဖြစ်စေ၊ ထိုဝက်ဘ်ဆိုက်တွင် HTTPS ကုဒ်ဖြင့်ပြောင်းလဲခြင်း ရှိကြောင်း သေချာအောင်လုပ်သင့်သည်။ HTTPS သည် ခိုးကြည့်ခံရခြင်းမှ ကာကွယ်ပေးပြီး ၎င်းကို URL ဘားတွင် စစ်ဆေးနိုင်သည်။ သင့်ချိတ်ဆက်မှုကို ကုဒ်ဖြင့်ပြောင်းလဲထားပါက လိပ်စာသည် “http://” အစား “https://” ဖြင့် စပါမည်။

HTTPS-Only Mode in Tor Browser

HTTPS-Only mode forces all connections to websites to use a secure encrypted connection called HTTPS. Most websites already support HTTPS; some support both HTTP and HTTPS. Enabling this mode guarantees that all of your connections to websites are upgraded to use HTTPS and hence secure.

HTTPS-only mode in Tor Browser

Some websites only support HTTP and the connection cannot be upgraded. If a HTTPS version of a site is not available, you will see a “Secure Connection Not Available” page:

Secure Connection not available when HTTP website

If you click 'Continue to HTTP Site' you accept the risk and then will visit a HTTP version of the site. HTTPS-Only Mode will be turned off temporarily for that site.

Click the 'Go Back' button if you want to avoid any unencrypted connections.

အောက်ပါပုံတွင် Tor ဘရောက်ဇာနှင့် HTTPS ကုဒ်ဖြင့်ပြောင်းလဲမှုကို သင် အသုံးပြုချိန်နှင့် အသုံးမပြုချိန်၌ ခိုးကြည့်သူများ မြင်နိုင်သော အချက်အလက်ကို ပြထားသည် -




မြင်နိုင်ခြေရှိသော အချက်အလက်
Site.com
ဝင်ကြည့်နေသာ ဝဘ်ဆိုက်။
အသုံးပြုသူ / စကားဝှက်
စစ်မှန်ကြောင်း သက်သေပြရန် အသုံးပြုသော အသုံးပြုသူအမည်နှင့် စကားဝှက်။
အချက်အလက်
ထုတ်လွှင့်နေသော အချက်အလက်။
တည်နေရာ
ဝက်ဘ်ဆိုက်သို့ ဝင်ကြည့်ရန် အသုံးပြုသော ကွန်ပျူတာ၏ ကွန်ရက်တည်နေရာ (အများသုံး IP လိပ်စာ)။
Tor
Tor အသုံးပြုနေခြင်း ရှိ၊ မရှိ။

လုံခြုံရေး ဆက်တင်များ

Tor ဘရောက်ဇာသည် သင်ရှာဖွေနေသော အချက်အလက်ကို ကုဒ်ဖြင့်ပြောင်းလဲ၍ သင့်လုံခြုံရေးကို ပုံသေ ကာကွယ်ပေးသည်။ သင်၏ လုံခြုံရေးနှင့် အမည်မသိမှုကို ညှိနှိုင်းရန် အသုံးပြုနိုင်သော ဝက်ဘ်ဆိုက်အပြင်အဆင်အချို့ကို ပယ်ဖျက်ရန် ရွေးချယ်၍ သင့်လုံခြုံရေးကို ထပ်မံတိုးမြှင့်နိုင်ပါသည်။ သင်သည် ဒိုင်းပုံ မီနူးရှိ Tor ဘရောက်ဇာ၏ လုံခြုံရေး အဆင့်များကို မြှင့်ခြင်းဖြင့် ထိုသို့ ပြုလုပ်နိုင်သည်။ Tor ဘရောက်ဇာ၏ လုံခြုံရေးအဆင့်ကို မြှင့်ခြင်းကြောင့် အချို့ဝက်ဘ်စာမျက်နှာများသည် မှန်ကန်စွာ မဆောင်ရွက်နိုင်ဘဲ ရှိလိမ့်မည်။ ထို့ကြောင့် သင့်လုံခြုံရေး လိုအပ်ချက်များကို သင့်အတွက် လိုအပ်သော အသုံးပြုနိုင်မှုအတိုင်းအတာနှင့် ချိန်ဆသင့်သည်။

လုံခြုံရေး ဆက်တင်များကို အသုံးပြုခြင်း

Tor ဘရောက်ဇာ၏ URL ဘား ဘေးတွင်ရှိသော ဒိုင်းပုံ အိုင်ကွန်ကို နှိပ်ခြင်းဖြင့် လုံခြုံရေး ဆက်တင်များကို ဝင်ရောက်သုံးစွဲနိုင်သည်။ To view and adjust your Security Settings, click the 'Change...' button in the shield menu.

Click on 'Change' under the shield menu

လုံခြုံရေးအဆင့်များ

Tor ဘရောက်ဇာ လုံခြုံရေး ဆက်တင်များရှိ လုံခြုံရေးအဆင့်ကို မြှင့်ခြင်းက ဖြစ်နိုင်ခြေရှိသော အတိုက်အခိုက်များမှ ကာကွယ်ရန် ဘရောက်ဇာ၏ အပြင်အဆင်အချို့ကို ပယ်ဖျက်ပါမည် သို့မဟုတ် တစ်စိတ်တစ်ပိုင်း ပယ်ဖျက်ပါမည်။ လုံခြုံရေးအဆင့်ကို ချိန်ညှိပြီး ဤဆက်တင်များကို အချိန်မရွေး ပြန်ဖွင့်နိုင်ပါသည်။

Security Level is currently set to Safest

စံချိန်မီ
ပိုလုံခြုံ
အလုံခြုံဆုံး

အပ်ဒိတ်လုပ်ခြင်း

Tor ဘရောက်ဇာသည် အချိန်တိုင်း အပ်ဒိတ်ဖြစ်နေရမည်။ အပ်ဒိတ်မဖြစ်သော ဆော့ဝဲဗားရှင်းကို ဆက်သုံးပါက သင့်ကိုယ်ရေးလုံခြုံမှုနှင့် အမည်မသိမှုကို ညှိနှိုင်းသည့် အန္တရာယ်ရှိသော လုံခြုံရေးဆိုင်ရာ အားနည်းချက်များ ကြုံရနိုင်သည်။

Tor Browser will prompt you to update the software once a new version has been released: the main menu (≡) will display a green circle with an upwards facing arrow in it, and you may see a written update indicator when Tor Browser opens. You can update either automatically or manually.

Tor ဘရောက်ဇာကို အလိုအလျောက် အပ်ဒိတ်လုပ်ခြင်း

Select 'Restart to update Tor Browser' under the main menu

When you are prompted to update Tor Browser, click on the main menu (≡), then select “Restart to update Tor browser”.

Update progress bar

အပ်ဒိတ်ကို ဒေါင်းလုဒ်လုပ်ပြီး တပ်ဆင်ပြီးရန် စောင့်ပါ။ ထို့နောက် Tor ဘရောက်ဇာသည် ပြန်လည်စတင်ပါမည်။ သင်သည် ယခုအခါ နောက်ဆုံးထွက် ဗားရှင်းကို အသုံးပြုလည်ပတ်နေပါပြီ။

Tor ဘရောက်ဇာကို ကိုယ်တိုင် အပ်ဒိတ်လုပ်ခြင်း

Tor ဘရောက်ဇာကို အပ်ဒိတ်လုပ်ရန် သင့်အား အသိပေးချက်ပေးပို့လျှင် လက်ရှိ ရှာဖွေနေသော ကာလအပိုင်းအခြားကို ပြီးအောင်လုပ်ပြီး ပရိုဂရမ်ကို ပိတ်ပါ။

Remove Tor Browser from your system by deleting the folder that contains it (see the Uninstalling section for more information).

https://www.torproject.org/my/download/ သို့ ဝင်ကြည့်ပြီး နောက်ဆုံးထွက် Tor ဘရောက်ဇာ၏ မိတ္တူကို ဒေါင်းလုဒ်လုပ်ပြီးနောက် အရင်အတိုင်း တပ်ဆင်ပါ။

ပြဿနာဖြေရှင်းခြင်း

သင်သည် ပရိုဂရမ်ကို လည်ပတ်ပြီး ခဏအကြာတွင် Tor ဘရောက်ဇာကို သုံး၍ ဝက်ဘ်ကို စတင်ရှာဖွေနိုင်ပါမည်။ ပထမဆုံးအကြိမ် အသုံးပြုခြင်းဖြစ်ပါက "ချိတ်ဆက်ရန်" ခလုတ်ကို နှိပ်ပါ။

Click 'Connect' to connect to Tor

The Connection Assist informs you about the state of your Internet connection if you click on 'Test'.

Connection Assist Test

Check your Internet Connection if it says 'Offline'. If your connection to the Tor Network is not established and it reads 'Offline' the following steps can be helpful.

Connection Assist offline error

The Connection Assist informs you about the state of your Internet connection if you click on 'Test'.

Connection Assist Test

Check your Internet Connection if it says 'Offline'. If your connection to the Tor Network is not established and it reads 'Offline' the following steps can be helpful.

Connection Assist offline error

အမြန် ပြုပြင်ခြင်း

Tor ဘရောက်ဇာနှင့် ချိတ်ဆက်မရပါက လွယ်ကူရိုးရှင်းသော ဖြေရှင်းနည်း ရှိနိုင်ပါသည်။ အောက်ပါတို့ကို တစ်ခုစီ စမ်းကြည့်ပါ -

Tor မှတ်တမ်းများကို ကြည့်ရန်

ကိစ္စရပ်အများစုတွင် Tor စာရင်းများကို ကြည့်ခြင်းက ပြဿနာ အဖြေရှာရာတွင် အထောက်အကူပြုနိုင်သည်။ သင်သည် ချိတ်ဆက်ရာတွင် ပြဿနာရှိပါက ချွတ်ယွင်းချက် မက်ဆေ့ချ် ပေါ်လာချိန်တွင် "Tor မှတ်တမ်းကို clipboard သို့ ကူးရန်" ကို ရွေးချယ်နိုင်ပါသည်။ ထို့နောက် ထို Tor မှတ်တမ်းကို စာသားဖိုင် သို့မဟုတ် အခြားစာရွက်စာတမ်းတွင် ထည့်လိုက်ပါ။

If you don't see this option and you have Tor Browser open, you can navigate to the hamburger menu ("≡"), then click on "Settings", and finally on "Connection" in the side bar. စာမျက်နှာ၏ အောက်ခြေတွင်၊ "Tor မှတ်တမ်းများကို ကြည့်ရန်" စာသားဘေးရှိ "မှတ်တမ်းများ ကြည့်ရန်…" ခလုတ်ကို နှိပ်ပါ။

တစ်နည်းအားဖြင့် GNU/Linux တွင် မှတ်တမ်းများကို ကွန်ပျူတာစနစ်တွင် ကြည့်ရန် Tor ဘရောက်ဇာ လမ်းညွှန်သို့ သွားပါ၊ Tor ဘရောက်ဇာကို ညွှန်ကြားချက်လိုင်းမှ ဤသို့ စတင်ပါ -

./start-tor-browser.desktop --verbose

ဒါမှမဟုတ် မှတ်တမ်းများကို ဖိုင်တစ်ခုတွင် သိမ်းဆည်းပါ (default: tor-browser.log) -

./start-tor-browser.desktop --log [file]

ဤအကြောင်း နောက်ထပ်အချက်အလက်များကို အထောက်အကူပြု ပေါ်တယ် တွင် ကြည့်ပါ။

သင့်ချိတ်ဆက်မှုကို ဆင်ဆာလုပ်ထားသလား။

သင်သည် ချိတ်ဆက်၍ မရသေးပါက သင်၏ အင်တာနက် ဝန်ဆောင်မှု ပံ့ပိုးသူက Tor ကွန်ရက်သို့ ချိတ်ဆက်မှုများကို ဆင်ဆာလုပ်နေခြင်း ဖြစ်နိုင်သည်။ Read the Circumvention section for possible solutions.

သိပြီးဖြစ်သော ပြဿနာများ

Tor ဘရောက်ဇာကို စဉ်ဆက်မပြတ် တိုးတက်ကောင်းမွန်အောင် ပြုလုပ်နေသောကြောင့် အချို့ပြဿနာများကို သိထားပြီးဖြစ်သော်လည်း မပြုပြင်ရသေးဘဲ ရှိနိုင်ပါသည်။ Please check the Known Issues page to see if the problem you are experiencing is already listed there.

ချိတ်ဆက်ပရိုဂရမ်များ၊ ဖြည့်စွက်ဆော့ဝဲများနှင့် JavaScript

Flash Player

Vimeo ကဲ့သို့ ဗီဒီယို ဝက်ဘ်ဆိုက်များသည် ဗီဒီယို အကြောင်းအရာကို ပြသရန် Flash Player ချိတ်ဆက်ပရိုဂရမ်ကို အသုံးပြုကြသည်။ သို့ရာတွင် ဤဆော့ဝဲသည် Tor ဘရောက်ဇာ မပါဘဲ သီးခြားလည်ပတ်ပြီး Tor ဘရောက်ဇာ၏ ပရောက်စီ ဆက်တင်များနှင့် ကိုက်ညီအောင် အလွယ်တကူ ပြုလုပ်၍မရပါ။ ထို့ကြောင့် သင့်တည်နေရာ အစစ်အမှန်နှင့် IP လိပ်စာကို ဝက်ဘ်ဆိုက် ကိုင်တွယ်သူများ သို့မဟုတ် ပြင်ပမှ စောင့်ကြည့်သူက သိသွားနိုင်သည်။ သို့ဖြစ်ရာ Tor ဘရောက်ဇာတွင် Flash ကို ပုံသေ ပယ်ဖျက်ထားပြီး ၎င်းကို ဖွင့်ရန် အကြံမပြုပါ။

ဗီဒီယို ဝက်ဘ်ဆိုက်အချို့ (ဥပမာ - YouTube) တွင် Flash အသုံးမပြုသော ဗီဒီယို ပေးပို့သည့် နည်းလမ်းများကို ရွေးချယ်နိုင်သည်။ ဤနည်းလမ်းများသည် Tor ဘရောက်ဇာနှင့် ကိုက်ညီနိုင်သည်။

Javascript

JavaScript ဆိုသည်မှာ ဝက်ဘ်ဆိုက်များက ဗီဒီယို၊ လှုပ်ရှားရုပ်ပုံ၊ အသံနှင့် အခြေအနေပြ အချိန်လိုက်မှတ်တမ်းများကဲ့သို့ အပြန်အလှန်ဆက်သွယ်မှုရှိသော အစိတ်အပိုင်းများဖြင့် ပံ့ပိုးရန် အသုံးပြုသည့် အစီအစဉ်ရေးဆွဲ (programming) သော ဘာသာစကား ဖြစ်သည်။ သို့ရာတွင် JavaScript သည် ဘရောက်ဇာ၏ လုံခြုံရေးကို တိုက်ခိုက်မှုများအား ခွင့်ပြုနိုင်သဖြင့် အမည်သိရှိစေနိုင်ပါသည်။

Tor ဘရောက်ဇာတွင် NoScript ဟုခေါ်သော ဖြည့်စွက်ဆော့ဝဲ ပါဝင်သည်။ ၎င်းကို အသုံးပြုရန် ဟမ်ဘာဂါမီနူး (≡) ရှိ "အလေးပေး ရွေးချယ်မှု" (သို့မဟုတ် Windows တွင် "ရွေးချယ်မှုများ") သို့ သွားပါ၊ ပြီးလျှင် 'ဖန်တီးပြုပြင်ရန်' ကို ရွေးချယ်ပြီး “S” အိုင်ကွန်ကို ဝင်းဒိုး၏ ညာဘက်ထိပ်သို့ ဆွဲယူပါ။ NoScript ကို အသုံးပြု၍ ဝက်ဘ်စာမျက်နှာတစ်ခုစီတွင် လည်ပတ်နေသော JavaScript (နှင့် အခြားရိုးရိုးပရိုဂရမ်များ) ကို ထိန်းချုပ်နိုင်သည် သို့မဟုတ် လုံးဝ ဘလော့နိုင်သည်။

အင်တာနက်တွင် ရှာဖွေရာ၌ လုံခြုံရေးမြင့်ရန် လိုအပ်သော အသုံးပြုသူများသည် Tor ဘရောက်ဇာ၏ လုံခြုံရေးအဆင့် ကို "ပိုလုံခြုံ" (HTTPS မဟုတ်သည့် ဝက်ဘ်ဆိုက်များတွင် JavaScript ကို ပယ်ဖျက်သည်) သို့မဟုတ် "အလုံခြုံဆုံး" (ဝက်ဘ်ဆိုက်အားလုံးအတွက် JavaScript ကို ပယ်ဖျက်သည်) အဖြစ် သတ်မှတ်ထားသင့်သည်။ သို့သော် JavaScript ကို ပယ်ဖျက်ခြင်းကြောင့် ဝက်ဘ်ဆိုက်အများအပြားသည် မှန်မှန်ကန်ကန် မပြသဘဲ ဖြစ်နိုင်သည်။ ထို့ကြောင့် Tor ဘရောက်ဇာ၏ နဂိုမူလ ဆက်တင်မှာ ဝက်ဘ်ဆိုက်အားလုံးအား ရိုးရိုးပရိုဂရမ်များကို "စံချိန်မီ" မုဒ်ဖြင့် လည်ပတ်စေရန် ဖြစ်သည်။

ဘရောက်ဇာ ဖြည့်စွက်ဆော့ဝဲများ

Tor ဘရောက်ဇာကို Firefox ပေါ်တွင် အခြေခံထားသည်။ ထို့ကြောင့် Firefox နှင့် လိုက်လျောညီထွေရှိသော ဖြည့်စွက်ဆော့ဝဲများ သို့မဟုတ် အကြောင်းအရာများကို Tor ဘရောက်ဇာတွင် တပ်ဆင်နိုင်သည်။

သို့ရာတွင် Tor ဘရောက်ဇာနှင့် တွဲသုံးရန် စမ်းသပ်ပြီးသော ဖြည့်စွက်ဆော့ဝဲများမှာ ပုံသေ ပါထားပြီး ဖြစ်သည်။ အခြား ဘရောက်ဇာ ဖြည့်စွက်ဆော့ဝဲများကို တပ်ဆင်ပါက Tor ဘရောက်ဇာ၏ လုပ်ဆောင်နိုင်စွမ်းကို ပျက်စီးစေနိုင်သည် သို့မဟုတ် သင့်ကိုယ်ရေးလုံခြုံမှုနှင့် လုံခြုံရေးကို ထိခိုက်သော ပိုမိုအန္တရာယ်ရှိသည့် ပြဿနာများ ဖြစ်စေနိုင်သည်။ ထပ်ဆောင်း ဖြည့်စွက်ဆော့ဝဲများကို မတပ်ဆင်ဖို့ လေးနက်စွာ တိုက်တွန်းပါသည်။ ထိုအစိတ်အပိုင်းဖွဲ့စည်းပုံများကို Tor Project က ပံ့ပိုးပေးမည်မဟုတ်ပါ။

ဖယ်ထုတ်ခြင်း

Tor ဘရောက်ဇာကို သင့်စနစ်မှ လွယ်ကူစွာ ဖယ်ရှားနိုင်သည် -

Windows တွင် -

macOS တွင် -

Go to folder menu option

Go to folder window

သင်သည် နဂိုမူလ တည်နေရာ (Applications ဖိုင်တွဲ) တွင် Tor ဘရောက်ဇာကို မတပ်ဆင်ခဲ့ပါက TorBrowser-Data ဖိုင်တွဲသည် ~/Library/Application Support/ ဖိုင်တွဲတွင် မရှိကြောင်း သတိပြုပါ။ ၎င်းသည် သင် Tor ဘရောက်ဇာ တပ်ဆင်ခဲ့သည့် ဖိုင်တွဲထဲတွင် ရှိပါသည်။

Linux တွင် -

သင့်ကွန်ပျူတာလည်ပတ်မှု စနစ်၏ ပုံမှန် "ဖယ်ထုတ်ရန်" လုပ်ဆောင်ချက်ကို အသုံးမပြုကြောင်း သတိပြုပါ။

မိုဘိုင်းသုံး Tor

Android သုံး Tor ဘရောက်ဇာ

Android သုံး Tor ဘရောက်ဇာသည် Tor Project မှ ပံ့ပိုးပြီး ရေးသားထားသည့် တစ်ခုတည်းသော တရားဝင် မိုဘိုင်းသုံး ဘရောက်ဇာ ဖြစ်သည်။ ၎င်းသည် ကွန်ပျုတာသုံး Tor ဘရောက်ဇာနှင့် ဆင်တူပြီး သင့် Android မိုဘိုင်းစက်ပစ္စည်းတွင် သုံးရန် ဖြစ်သည်။ Android သုံး Tor ဘရောက်ဇာ၏ အဓိက အပြင်အဆင်အချို့တွင် ဝက်ဘ်ဆိုက်များ သုံးရာ၌ ခြေရာခံမှုလျှော့ချခြင်း၊ စောင့်ကြည့်မှုကို ကာကွယ်ခြင်း၊ ဘရောက်ဇာ ဇစ်မြစ်လိုက်မှုကို တွန်းလှန်ခြင်းနှင့် စိစစ်ဖြတ်တောက်မှုကို ရှောင်ရှားခြင်းတို့ ပါဝင်သည်။

ဒေါင်းလုဒ်လုပ်ခြင်းနှင့် တပ်ဆင်ခြင်း

Android သုံး Tor ဘရောက်ဇာနှင့် Android သုံး Tor ဘရောက်ဇာ (alpha) ဟူ၍ နှစ်မျိုးရှိသည်။ Android သုံး Tor ဘရောက်ဇာသည် တည်ငြိမ်ပြီး ချို့ယွင်းချက် ဖြစ်ပေါ်ခြင်း ပိုနည်းသောကြောင့် နည်းပညာ မကျွမ်းကျင်သော အသုံးပြုသူများ ရယူသုံးစွဲသင့်သည်။ Android သုံး Tor ဘရောက်ဇာကို Play Store၊ F-Droid နှင့် Tor Project ဝက်ဘ်ဆိုက်တို့တွင် ရရှိနိုင်သည်။ Tor ဘရောက်ဇာကို ဤပလက်ဖောင်းသုံးခုမှ မဟုတ်ဘဲ အခြားနေရာမှ ဒေါင်းလုဒ်လုပ်ခြင်းသည် အလွန်အန္တရာယ်များသည်။

Google Play

သင်သည် Android သုံး Tor ဘရောက်ဇာကို Google Play Store မှ ရယူ တပ်ဆင်နိုင်သည်။

F-Droid

Guardian Project သည် ၎င်း၏ F-Droid သိုလှောင်ခန်းတွင် Android သုံး Tor ဘရောက်ဇာကို ပံ့ပိုးထားသည်။ သင်သည် ဤအက်ပ်ကို F-Droid မှ ရယူတပ်ဆင်လိုပါက ကျေးဇူးပြု၍ အောက်ပါအဆင့်များကို လိုက်နာပါ -

၁။ F-Droid အက်ပ်ကို F-Droid ဝဘ်ဆိုက် မှ ရယူပြီး သင်၏ Android စက်ပစ္စည်းပေါ်တွင် တပ်ဆင်ပါ။

၂။ F-Droid ကို တပ်ဆင်ပြီးနောက် အက်ပ်ကို ဖွင့်ပါ။

၃။ အောက်ခြေရှိ ညာဘက်ထောင့်တွင် "အပြင်အဆင်များ" ကို ဖွင့်ပါ။

၄။ "My Apps" အပိုင်းတွင် Repositories ကို ဖွင့်ပါ။

၅။ "Guardian Project Official Releases" ခလုတ်ကို ဖွင့်ထားပါ။

၆။ ထိုအခါ F-Droid သည် Guardian Project ၏ သိုလှောင်ခန်းမှ အက်ပ်စာရင်းကို ဒေါင်းလုဒ်လုပ်ပါမည် (သတိပြုရန် - ပြီးစီးရန် မိနစ်အနည်းငယ် ကြာနိုင်ပါသည်)။

၇။ အပေါ် ဘယ်ဘက်ထောင့်ရှိ နောက်သို့ ခလုတ်ကို တစ်ချက်နှိပ်ပါ။

၈။ အောက်ခြေ ဘယ်ဘက်ထောင့်ရှိ "နောက်ဆုံး" ကို ဖွင့်ပါ။

၁၀။ ညာဘက်အောက်နားရှိ မှန်ဘီလူးကို နှိပ်ပြီး ရှာဖွေမှု စခရင်ကို ဖွင့်ပါ။

၁၁။ "Tor Browser for Android" ကို ရှာပါ။

၁၂။ "The Tor Project" ဟူသော ရှာဖွေမှုရလဒ်ကို ဖွင့်ပြီး တပ်ဆင်ပါ။

Tor စီမံကိန်း ဝဘ်ဆိုက်

သင်သည် Tor Project ဝဘ်ဆိုက် မှ apk ကို ဒေါင်းလုဒ်လုပ်ပြီး တပ်ဆင်၍လည်း Android သုံး Tor ဘရောက်ဇာကို ရယူနိုင်သည်။

Android သုံး Tor ဘရောက်ဇာကို ပထမဆုံးအကြိမ် လည်ပတ်ခြင်း

Tor ဘရောက်ဇာကို ပထမဆုံးအကြိမ် လည်ပတ်ချိန်တွင် Tor ကွန်ရက်သို့ တိုက်ရိုက်ချိတ်ဆက်နိုင်သော ရွေးချယ်မှုကို တွေ့နိုင်သည်။ သို့မဟုတ် သင့်ချိတ်ဆက်မှုအတွက် Tor ဘရောက်ဇာကို ဆက်တင်များ အိုင်ကွန်တွင် ချိန်ညှိရန် ရွေးချယ်နိုင်သည်။

ချိတ်ဆက်ရန်

Connect to Tor Browser for Android

"ချိတ်ဆက်ရန်" ကို ရွေးချယ်လျှင် များသောအားဖြင့် နောက်ထပ် ချိန်ညှိရန် မလိုတော့ဘဲ Tor ကွန်ရက်သို့ ချိတ်ဆက်နိုင်ပါမည်။ နှိပ်ပြီးသည်နှင့်၊ Tor နှင့် ချိတ်ဆက်မှု အခြေအနေကို ဖော်ပြသည့် ပြောင်းလဲနေသော ဝါကျများသည် စခရင်၏ အောက်ခြေတွင် ပေါ်လာပါမည်။ သင့်ချိတ်ဆက်မှုသည် အတန်အသင့် မြန်သော်လည်း ဤစာသားသည် တစ်နေရာ၌ ရှေ့မဆက်နိုင်ဘဲ ဖြစ်နေပါက ပြဿနာကို ဖြေရှင်းရာတွင် အထောက်အကူဖြစ်စေရန် ပြဿနာဖြေရှင်းခြင်း စာမျက်နှာကို ကြည့်ပါ။

ချိန်ညှိရန်

Configure Tor Browser for Android

သင့်ချိတ်ဆက်မှုကို ဆင်ဆာဖြတ်ထားကြောင်း သိပါက ဆက်တင်များ အိုင်ကွန်ကို ရွေးချယ်ပါ။ Tor ဘရောက်ဇာတွင် သင်သည် အစိတ်အပိုင်းများ ဖွဲ့စည်းပုံ ရွေးချယ်မှုများကို တစ်ခုပြီးတစ်ခု ပြုလုပ်ရပါမည်။ ပထမ စခရင်က Tor ကွန်ရက်၏ အခြေအနေကို ဖော်ပြပြီး တံတားချိန်ညှိရန် ရွေးချယ်မှု ('Config Bridge') ဖြင့် ပံ့ပိုးပါမည်။ သင့်ချိတ်ဆက်မှုကို ဆင်ဆာဖြတ်ထားကြောင်း သိပါက (သို့) Tor ကွန်ရက်နှင့် ချိတ်ဆက်ရန် ကြိုးစားရာတွင် မအောင်မြင်ပါဘဲ အခြားမည်သည့်ဖြေရှင်းနည်းကမျှ အလုပ်မလုပ်ပါက 'Config Bridge' ကို တစ်ချက်နှိပ်ပါ။ အသွားအလာ အသွင်ပြောင်းကိရိယာတစ်ခုကို ချိန်ညှိရန် ဆင်ဆာရှောင်ခြင်း စခရင်သို့ ရောက်သွားပါမည်။

ဆင်ဆာရှောင်ခြင်း

တံတား ကြားခံစက်များသည် အများသုံး Tor လမ်းညွှန်တွင် ဖော်ပြမထားသော Tor ကြားခံစက်များ ဖြစ်သည်။ တံတားများသည် ဖိနှိပ်သော အာဏာအစိုးရ စနစ်အောက်တွင် ရှိနေသည့် Tor အသုံးပြုသူများအတွက် အသုံးဝင်သည်။ ထို့ပြင် အများသုံး Tor ကြားခံစက် IP လိပ်စာနှင့် ချိတ်နေကြောင်း တစ်စုံတစ်ယောက်က သိသွားမည်ကို စိုးရိမ်သောကြောင့် ထပ်ဆင့်လုံခြုံရေး လိုချင်သူများအတွက်လည်း အသုံးဝင်သည်။

Tor ဘရောက်ဇာကို ပထမဆုံးအကြိမ် အသုံးပြုချိန်တွင် အသွားအလာ အသွင်ပြောင်းကိရိယာကို အသုံးပြုရန် ဆက်တင်များ အိုင်ကွန်ကို နှိပ်ပါ။ ပထမ မျက်နှာပြင်က Tor ကွန်ရက်၏ အခြေအနေကို ဖော်ပြသည်။ တံတားချိန်ညှိရန် 'Config Bridge' ကို တစ်ချက်နှိပ်ပါ။

Censored internet on Tor Browser for Android

နောက်လာမည့် စခရင်တွင် အသင့်ပါ တံတား သို့မဟုတ် စိတ်ကြိုက် ဖန်တီးပြုပြင်သော တံတားကို အသုံးပြုရန် ရွေးချယ်ရပါမည်။ "တံတား အသုံးပြုရန်" ကို ရွေးချယ်ရာတွင် ရွေးချယ်မှုသုံးခု ရှိပါသည် - "obfs4"၊ "meek-azure" နှင့် "snowflake" တို့ ဖြစ်သည်။

Select a bridge on Tor Browser for Android

Selected a bridge on Tor Browser for Android

သင်သည် "ကျွန်ုပ်သိသော တံတားဖြင့် ပံ့ပိုးရန်" ကို ရွေးချယ်ပါက တံတား လိပ်စာ ကို ရိုက်ထည့်ရပါမည်။

Provide a bridge on Tor Browser for Android

Provide bridge addresses on Tor Browser for Android

ကိုယ်ပိုင် အမှတ်သင်္ကေတများကို စီမံခန့်ခွဲခြင်း

ကိုယ်ပိုင်အမှတ် သင်္ကေတအသစ်

New Identity on Tor Browser for Android

Tor ဘရောက်ဇာကို လည်ပတ်နေစဉ် သင့်စက်ပစ္စည်း၏ အသိပေးချက် မျက်နှာပြင်ကို ဖြန့်ပြီးနောက် "ကိုယ်ပိုင် အမှတ်သင်္ကေတ အသစ်" ခလုတ်နှင့်အတူ ထိုသို့ တွေ့ရပါမည်။ ဤခလုတ်ကို နှိပ်လိုက်လျှင် ကိုယ်ပိုင်အမှတ် သင်္ကေတအသစ် ရပါမည်။ ကွန်ပျုတာအတွက် Tor ဘရောက်ဇာနှင့် မတူသည့်အချက်မှာ Android သုံး Tor ဘရောက်ဇာရှိ "ကိုယ်ပိုင်အမှတ် သင်္ကေတ အသစ်" ခလုတ်ကို သုံးရာတွင် သင့်လက်ရှိ ဘရောက်ဇာအသုံးပြုမှုကို ယခင်အသုံးပြုမှုနှင့် ချိတ်ဆက်ခံရနိုင်သည်။ ၎င်းကို ရွေးချယ်ခြင်းက သင့် Tor ပတ်လမ်းကိုသာ ပြောင်းလဲပါမည်။

လုံခြုံရေး ဆက်တင်များ

Security settings and security slider on Tor Browser for Android

လုံခြုံရေး ဆက်တင်များ သည် သင့်လုံခြုံရေးနှင့် အမည်မသိမှုကို ညှိနှိုင်းရန် အသုံးပြုနိုင်သော ဝက်ဘ်ဆိုက် အပြင်အဆင်အချို့ကို ပယ်ဖျက်သည်။ Android အတွက် Tor ဘရောက်ဇာသည် ကွန်ပျုတာတွင် ရရှိနိုင်သော တူညီသည့် လုံခြုံရေး အဆင့်သုံးခုကို ပံ့ပိုးသည်။ သင်သည် အောက်ပါအဆင့်များကို လိုက်နာခြင်းဖြင့် လုံခြုံရေးအဆင့်ကို မွမ်းမံ ပြောင်းလဲနိုင်သည် -

အပ်ဒိတ်လုပ်ခြင်း

Tor ဘရောက်ဇာသည် အချိန်တိုင်း အပ်ဒိတ်ဖြစ်နေရမည်။ အပ်ဒိတ်မဖြစ်သော ဆော့ဝဲဗားရှင်းကို ဆက်သုံးပါက သင့်ကိုယ်ရေးလုံခြုံမှုနှင့် အမည်မသိမှုကို ညှိနှိုင်းသည့် အန္တရာယ်ရှိသော လုံခြုံရေးဆိုင်ရာ အားနည်းချက်များ ကြုံရနိုင်သည်။ သင်သည် Tor ဘရောက်ဇာကို အလိုအလျောက် သို့မဟုတ် ကိုယ်တိုင် အပ်ဒိတ်လုပ်နိုင်သည်။

Android အတွက် Tor ဘရောက်ဇာကို အလိုအလျောက် အပ်ဒိတ်လုပ်ခြင်း

ဤနည်းလမ်းသုံးရန် သင့်မိုဘိုင်းစက်ပစ္စည်းတွင် Google Play သို့မဟုတ် F-Droid ကို တပ်ဆင်ထားရမည်။

Google Play

Updating Tor Browser for Android on Google Play

ရှာဖွေမှုဘား ဘေးကပ်ရက်ရှိ ဟမ်ဘာဂါမီနူးကို တစ်ချက်နှိပ်ပြီး "My apps & games" > "Updates" သို့ သွားပါ။ အပ်ဒိတ်လုပ်ရန် လိုအပ်သော အက်ပ်စာရင်းတွင် Tor ဘရောက်ဇာကို တွေ့ပါက ရွေးချယ်ပြီး "Update" ခလုတ်ကို နှိပ်ပါ။

F-Droid

Updating Tor Browser for Android on F-Droid

"Settings" ကို နှိပ်ပြီးနောက် "Manage installed apps" သို့ သွားပါ။ နောက်လာမည့် စခရင်တွင် Tor ဘရောက်ဇာကို ရွေးချယ်ပြီး နောက်ဆုံးတွင် "Update" ခလုတ်ကို နှိပ်ပါ။

Android အတွက် Tor ဘရောက်ဇာကို ကိုယ်တိုင် အပ်ဒိတ်လုပ်ခြင်း

Tor Project ဝဘ်ဆိုက် သို့ ဝင်ကြည့်၍ နောက်ဆုံးထွက် Tor ဘရောက်ဇာ မိတ္တူကို ဒေါင်းလုဒ်လုပ်ပြီး အရင်ကအတိုင်း တပ်ဆင်ပါ။ များသောအားဖြင့် Tor ဘရောက်ဇာ ဗားရှင်းအဟောင်းကို ဖျက်ပြီး နောက်ဆုံးထွက် ဗားရှင်းကို တပ်ဆင်ကာ ဘရောက်ဇာကို အဆင့်မြှင့်ပါသည်။ ဤနည်းဖြင့် ဘရောက်ဇာကို အပ်ဒိတ်လုပ်မရပါက Tor ဘရောက်ဇာကို ဖယ်ထုတ်ပြီး ပြန်လည်တပ်ဆင်ရန် လိုအပ်နိုင်ပါသည်။ Tor ဘရောက်ဇာကို ပိတ်ထားစဉ် သင့်စက်ပစ္စည်း၏ ဆက်တင်များမှတစ်ဆင့် ၎င်းကို ဖယ်ထုတ်၍ သင့်စနစ်မှ ဖယ်ရှားပါ။ သင့်မိုဘိုင်းစက်ပစ္စည်း၏ တံဆိပ်အလိုက် Settings > Apps သို့ သွားပါ၊ Tor ဘရောက်ဇာကို ရွေးချယ်ပြီးနောက် "Uninstall" ခလုတ်ကို နှိပ်ပါ။ ပြီးလျှင် နောက်ဆုံးထွက် Tor ဘရောက်ဇာကို ဒေါင်းလုဒ်လုပ်ပြီး တပ်ဆင်ပါ။

ဖယ်ထုတ်ခြင်း

Android အတွက် Tor ဘရောက်ဇာကို F-Droid၊ Google Play မှ တိုက်ရိုက်ဖြစ်စေ၊ သင့်မိုဘိုင်းစက်ပစ္စည်း၏ အက်ပ် ဆက်တင်များတွင်ဖြစ်စေ ဖယ်ထုတ်နိုင်သည်။

Google Play

Uninstalling Tor Browser for Android on Google Play

ရှာဖွေမှုဘား ဘေးကပ်ရက်ရှိ ဟမ်ဘာဂါမီနူးကို နှိပ်ပြီး "My apps & games" > "Installed" သို့ သွားပါ။ တပ်ဆင်ထားသော အက်ပ်စာရင်းမှ Tor ဘရောက်ဇာကို ရွေးချယ်ပြီး "Uninstall" ခလုတ်ကို နှိပ်ပါ။

F-Droid

Uninstalling Tor Browser for Android on F-Droid

"Settings" ကို နှိပ်ပြီးနောက် "Manage installed apps" သို့ သွားပါ။ နောက်လာမည့် စခရင်တွင် Tor ဘရောက်ဇာကို ရွေးချယ်ပြီး နောက်ဆုံးတွင် "Uninstall" ခလုတ်ကို နှိပ်ပါ။

မိုဘိုင်းစက်ပစ္စည်းရှိ အက်ပ် ဆက်တင်များ

Uninstalling Tor Browser for Android using device app settings

သင့်မိုဘိုင်းစက်ပစ္စည်း၏ တံဆိပ်အလိုက် Settings > Apps သို့ သွားပါ၊ Tor ဘရောက်ဇာကို ရွေးချယ်ပြီးနောက် "Uninstall" ခလုတ်ကို နှိပ်ပါ။

ပြဿနာ ဖြေရှင်းခြင်း

Tor မှတ်တမ်းများကို ကြည့်ရန်

View Tor logs on Tor Browser for Android

သင့် Tor မှတ်တမ်းများကို ကြည့်ရန် - ၁။ Android အတွက် Tor ဘရောက်ဇာကို ဖွင့်ပြီး 'ချိတ်ဆက်ရန်' ကို တစ်ချက်နှိပ်ပါ။ ၂။ bootstrapping လုပ်စဉ်အတွင်း မှတ်တမ်းများကို ကြည့်ရန် ညာဘက်သို့ ပွတ်ဆွဲပါ။ (မှတ်ချက် - Android အတွက် Tor ဘရောက်ဇာတွင် Tor မှတ်တမ်းများကို စခရင်ရှော့(တ်) မရိုက်နိုင်အောင် ပုံသေ ပယ်ဖျက်ထားသည်။ ပြဿနာ #40191)

အဖြစ်အများဆုံး ပြဿနာအချို့ကို ဖြေရှင်းရန် ကျေးဇူးပြု၍ အကူအညီ ပေါ်တယ်ရှိ အကြောင်းအရာ ကို ကိုးကားလိုက်နာပါ။

သိပြီးဖြစ်သော ပြဿနာများ

လတ်တလောတွင် အပြင်အဆင်အချို့ကို ကွန်ပျူတာသုံး Tor ဘရောက်ဇာတွင် ရရှိနိုင်သော်လည်း Android သုံး Tor ဘရောက်ဇာတွင် မရရှိနိုင်ပါ။

မိုဘိုင်းစက် ပစ္စည်းများတွင် သုံးသည့် Tor အကြောင်း ပိုမိုသိရှိရန်

Orfox

၂၀၁၅ တွင် The Guardian Project က Orfox ကို စတင် ထုတ်ခဲ့သည်။ ရည်ရွယ်ချက်မှာ Android အသုံးပြုသူများအနေနှင့် အင်တာနက်တွင် Tor ဖြင့် ရှာဖွေနိုင်ရန် ဖြစ်သည်။ နောက်သုံးနှစ်အတွင်း၌ Orfox သည် စဉ်ဆက်မပြတ် တိုးတက်လာခဲ့ပြီး သာမန် ဘရောက်ဇာများထက် ကိုယ်ရေး လုံခြုံမှု ပိုမြင့်စွာဖြင့် အင်တာနက်တွင် ရှာဖွေနိုင်သည့် နည်းလမ်းအဖြစ် လူကြိုက်များလာခဲ့သည်။ Orfox သည် စိစစ်ဖြတ်တောက်မှုကို ရှောင်ကွင်းရန်နှင့် ပိတ်ဆို့ထားသော ဝက်ဘ်ဆိုက်များနှင့် အရေးကြီး ရင်းမြစ်များကို အသုံးပြုနိုင်ရန် ပြည်သူများအား ကူညီရာတွင် အရေးပါခဲ့သည်။ ၂၀၁၉ တွင် Android သုံး တရားဝင် Tor ဘရောက်ဇာ ထွက်ပြီးနောက် Orfox အသုံးပြုမှု ရပ်စဲခဲ့သည်

Orbot

Orbot သည် Tor ကွန်ရက်ကို အသုံးပြုနိုင်ရန် အခြားအက်ပ်များအား ပံ့ပိုးပေးသည့် အခမဲ့ ပရောက်စီ အက်ပ် ဖြစ်သည်။ Orbot က သင့်အင်တာနက် အသွားအလာကို ကုဒ်ဖြင့်ပြောင်းရန် Tor ကို အသုံးပြုသည်။ ထို့နောက် သင်သည် ဆင်ဆာဖြတ်ခြင်းကို ရှောင်ရှားရန်နှင့် စောင့်ကြည့်ခံရခြင်းမှ ကာကွယ်ရန် သင့်မိုဘိုင်းစက်ပစ္စည်းပေါ်တွင် တပ်ဆင်ထားသော အခြားအက်ပ်များနှင့် တွဲ၍ ၎င်းကို အသုံးပြုနိုင်ပါသည်။ Orbot ကို Google Play မှ ဒေါင်းလုဒ် လုပ်ပြီး တပ်ဆင်နိုင်သည်။ သင်သည် Android အတွက် Tor ဘရောက်ဇာနှင့် Orbot နှစ်မျိုးလုံး လိုအပ်ကြောင်း (သို့) တစ်မျိုးကိုသာ လိုအပ်ကြောင်း သိရန် ကျွန်ုပ်တို့၏ အကူအညီ ပေါ်တယ် ကို ဝင်ကြည့်ပါ။

iOS သုံး Tor ဘရောက်ဇာ

iOS သုံး Tor ဘရောက်ဇာ မရှိပါ။ အခမဲ့ရင်းမြစ်ဖြစ်ပြီး Tor ၏ အသွားအလာကို အသုံးပြုသော Onion ဘရောက်ဇာဟုခေါ်သည့် iOS အက်ပ်ကို သုံးရန် ကျွန်ုပ်တို့ အကြံပြုပါသည်။ ၎င်းကို Tor Project တွင် ထဲထဲ၀င်၀င် ပါ၀င်ဆောင်ရွက်ခဲ့သူ တစ်ဦးက ရေးသား ဖန်တီးထားပါသည်။ သို့သော် Apple က iOS တွင် ဘရောက်ဇာများ အလုပ်လုပ်ရန် Webkit ကို အသုံးပြုခိုင်းသည်။ ထို့ကြောင့် Onion ဘရောက်ဇာတွင် Tor ဘရောက်ဇာနှင့် တူညီသော ကိုယ်ရေးလုံခြုံမှု အကာအကွယ်များ မပါဝင်ပါ။

Onion ဘရောက်ဇာ အကြောင်း ပိုမိုလေ့လာပါ။ Onion ဘရောက်ဇာကို App Store မှ ဒေါင်းလုဒ် လုပ်ပါ။

Windows စနစ်သုံးသော ဖုန်းများအတွက် Tor ဘရောက်ဇာ

လတ်တလောတွင် Windows ဖုန်း အဟောင်းများ၌ Tor ကို လည်ပတ်နိုင်ခြင်း မရှိပါ။ သို့သော် Microsoft တံဆိပ်/မြှင့်တင်ထားသော ဖုန်းအသစ်များတွင် Android သုံး Tor ဘရောက်ဇာ ၏ အဆင့်များအတိုင်း ဆောင်ရွက်နိုင်ပါသည်။

သိပြီးဖြစ်သော ပြဿနာများ

Tor ဘရောက်ဇာကို ရွှေ့လျားနိုင်အောင် လုပ်ပါ

Tor ဘရောက်ဇာကို ရွှေ့လျားလိုပါက ၎င်းကို မှတ်တမ်းမှ ဆွဲထုတ်ပြီး USB ချောင်း သို့မဟုတ် SD ကတ်ကဲ့သို့ ဖယ်ရှားနိုင်သော ကြားခံမှတ်ဉာဏ်တစ်ခုထဲသို့ တိုက်ရိုက်ရွှေ့နိုင်သည်။ Tor ဘရောက်ဇာကို လိုအပ်သလို အပ်ဒိတ်လုပ်နိုင်ရန် အချက်အလက်အသစ် ထည့်နိုင်သော ကြားခံမှတ်ဉာဏ်တစ်ခုကို အသုံးပြုဖို့ အကြံပြုပါသည်။

Windows အတွက် -

၁။ သင်၏ ဖယ်ရှားနိုင်သော ကြားခံမှတ်ဉာဏ်တစ်ခုကို ထိုးသွင်းပြီး ဖောမက်ချပါ။ မည်သည့် filesystem အမျိုးအစားမဆို အဆင်ပြေပါသည်။

၂။ Tor ဘရောက်ဇာ ဒေါင်းလုဒ် စာမျက်နှာ သို့ သွားပါ။

၃။ Windows .exe ဖိုင်ကို ဒေါင်းလုဒ်လုပ်ပြီး သင့်မီဒီယာတွင် တိုက်ရိုက် သိမ်းဆည်းပါ။

၄။ (အကြံပြုချက်) ဖိုင်လက်မှတ် ကို မှန်ကန်ကြောင်း စစ်ဆေးပါ။

၅။ ဒေါင်းလုဒ်လုပ်ပြီးလျှင် .exe ဖိုင်ကို ကလစ်နှိပ်ပြီး တပ်ဆင်ခြင်း လုပ်ငန်းစဉ်ကို စတင်ပါ။

၆။ တပ်ဆင်ကိရိယာက Tor ဘရောက်ဇာ သိမ်းဆည်းမည့်နေရာကို မေးသောအခါ သင်၏ ဖယ်ရှားနိုင်သော ကြားခံမှတ်ဉာဏ်ကို ရွေးချယ်ပါ။

macOS အတွက် -

သင်၏ ဖြုတ်၊တပ်၍ရသော မှတ်သိမ်းပစ္စည်း အား တပ်ပြီး ဖောမတ်ချပါ။ Mac OS Extended (Journaled) ဖောမတ် သုံးကိုသုံးမှ ရမည်။

၂။ Tor ဘရောက်ဇာ ဒေါင်းလုဒ် စာမျက်နှာ သို့ သွားပါ။

၃။ macOS .dmg ဖိုင်ကို ဒေါင်းလုဒ်လုပ်ပြီး သင့်ကြားခံမှတ်ဉာဏ်တွင် တိုက်ရိုက် သိမ်းဆည်းပါ။

၄။ (အကြံပြုချက်) ဖိုင်လက်မှတ် ကို မှန်ကန်ကြောင်း စစ်ဆေးပါ။

၅။ ဒေါင်းလုဒ်လုပ်ပြီးလျှင် .dmg ဖိုင်ကို ကလစ်နှိပ်ပြီး တပ်ဆင်ခြင်း လုပ်ငန်းစဉ်ကို စတင်ပါ။

၆။ တပ်ဆင်ကိရိယာက Tor ဘရောက်ဇာ သိမ်းဆည်းမည့်နေရာကို မေးသောအခါ သင်၏ ဖယ်ရှားနိုင်သော ကြားခံမှတ်ဉာဏ်ကို ရွေးချယ်ပါ။

GNU/Linux အတွက် -

၁။ သင်၏ ဖယ်ရှားနိုင်သော ကြားခံမှတ်ဉာဏ်တစ်ခုကို ထိုးသွင်းပြီး ဖောမက်ချပါ။ မည်သည့် filesystem အမျိုးအစားမဆို အဆင်ပြေပါသည်။

၂။ Tor ဘရောက်ဇာ ဒေါင်းလုဒ် စာမျက်နှာ သို့ သွားပါ။

၃။ Linux .tar.xz ဖိုင်ကို ဒေါင်းလုဒ်လုပ်ပြီး သင့်ကြားခံမှတ်ဉာဏ်တွင် တိုက်ရိုက် သိမ်းဆည်းပါ။

၄။ (အကြံပြုချက်) ဖိုင်လက်မှတ် ကို မှန်ကန်ကြောင်း စစ်ဆေးပါ။

၅။ ဒေါင်းလုဒ်လုပ်ပြီးလျှင် မှတ်တမ်းကိုလည်း ဆွဲထုတ်၍ ကြားခံမှတ်ဉာဏ်ထဲသို့ ထည့်ပါ။